تارا عماد: سعيدة بـ 7Dogs وقصيت شعري علشان الفيلم

أعربت  الفنانة تارا عماد، عن سعادتها بالمشاركة في فيلم 7 dogs، قائلة: «الفيلم تجربة مختلفة جدا وفخورة بيها وفخورة بيه وإنتاج مبهر وأنا سعيدة من أول ما جالس مكالمة إني أكون في الفيلم».

وأردفت، خلال حضورها العرض الخاص لفيلم«7Dogs» المقام في القاهرة ونقلته شاشة أم بي سي مصر:«الأكشن جميل جدا وكان في تدريبات كتير جدا وأنا أخر حد انضم للفيلم علشان كدا كان عندي تدريبات مكثفة.. وفي الأخر كان عندي مشهد أكشن كبير كان رائع».

وأوضحت أنها تعتبر الأكشن مثل الرقص، قائلة:«الأكشن زي الرقص السلو بتدرب على كل حركة علشان متفكرش وأنت بتمثل ويكون الأكشن جزء من المشهد كأنه حركات طبيعية».

وعن النجمة العالمية مونيكا بيلوتشي، قالت:«سعيدة بمشاهدي مع مونيكا بيلوتشي هي جميلة وملتزمة وراقية جدا وبتحب شغلها ومش مغرورة خالص وده بيخلينا تلتزم أكتر».

وأشارت تارا عماد إلى أنها قصت شعرها لتقديم هذا الدور، مضيفة: «أنا قصيت شعري علشان الفيلم، قالولي لازم نغير شكلك يا نقص يا نصبغ بس قولت القص أسهل وأنا مش بزعل عليه زي ما بيقولوا الشعر بيزعل».