سماح أنور: إحنا مش بتشتغل ممثلين إحنا بتشتغل منتظرين

قالت الفنانة سماح أنور: «على رأي أمي إحنا مش بنشتغل ممثلين إحنا بنشتغل منتظرين.. بننتظر لحد ما يتعرض علينا فرصة كويسة بدور حلو.. وبعدين منتظر تصور ومنتظر تتعرض ومنتظر تنجح أو تفشل، وفي وسط كل ده في ربع ساعة بنمثل فيها».

وأضافت، خلال استضافتها في برنامج «حوارات مع عباس» مع الفنان عباس أبو الحسن، المذاع عبر يوتيوب «في الانتظار الحياة بتكون بايخة وتقيلة، والممثل أو اي شخص إبداعي بيفقد ثقته في نفسه بالانتظار.. وده لأن قبول الفنان لنفسه فنيا بيكون في العروض اللي بتجيله».

وتابعت سماح أنور: «لما العروض اللي بتجيله متكونش أحسن حاجة بيحس إن هو كممثل مش أحسن حاجة.. وده بيأثر على نفسيته لأننا بني أدمين يعني».

وأضافت «أنا فضلت 20 سنة مفيش أدوار تمثيل خالص.. وده كان صعب لأني شخص لازم يكون عنده هدف في اليوم أو حاجة بيعملها».

وفي وقت سابق، كشفت الفنانة سماح أنور، عن جانب جديد من شخصيتها في الفترة الأخيرة، مؤكدة أنها باتت أكثر عصبية مقارنة بالماضي، إلا أنها تحرص في الوقت نفسه على عدم إظهار هذا الجانب لمن حولها، مفضلة السيطرة على انفعالاتها وعدم نقلها للآخرين، وذلك خلال حديثها عن كواليس مشاركتها في مسلسل «حكاية نرجس».

وتابعت سماح أنور، من خلال استضافتها في برنامج «معكم منى الشاذلي» الذي تقدمه الإعلامية منى الشاذلي عبر قناة ON، قائله: "أنا عصبية أكتر من زمان، لكن مبطلعش عصبيتي على حد"، مشيرة إلى أنها تتعامل مع المواقف التي تثير انزعاجها بأسلوب هادئ ظاهريا رغم ما تشعر به داخلي.