هدير عبد الناصر لـ"وشوشة": لؤلؤ كانت نقطة انطلاقي الحقيقية وأنا أحب كل أدواري

في تصريح خاص لـ"وشوشة"، كشفت الفنانة هدير عبد الناصر عن مسيرتها الفنية منذ بداياتها وحتى أعمالها الأخيرة، مؤكدة أن كل دور لعبته أثر في تشكيل شخصيتها كممثلة، وأن كل تجربة كانت لها طابعها الخاص.

البداية الحقيقية مع “لؤلؤ”

سُئلت هدير عبد الناصر عن اللحظة التي شعرت فيها أن مسلسلاً ما كان نقطة تحول في مشوارها، فأجابت:"هو يعني أنا لسة ببدأ مشواري الفني فكان أول بداية حقيقية كانت مع لؤلؤ.

وتابعت هدير عبد الناصر حديثها قائلة:"مقدرش طبعاً أنكر دة لؤلؤ كان أول بداية حقيقية الناس تعرفني فيها وتشوفني فيها، ويتعرفوا عليا كممثلة".

الجرأة في اختيار الأدوار

وعن ميولها في تقديم الشخصيات، قالت هدير عبد الناصر:"بتميلي إن الدور يبقى جريء ولا هادي شوية وبيقدم الرسالة بدون أي جرأة على حسب أنا بشوف، مثلاً مروة جريئة في إن نعمل التحول ده من الخير للشر دي جرأة، لكن لو بنتكلم عن جرأة تانية أو مشاهد جريئة بطريقة معينة، لأ، دي عندي فيها تحفظ. كهدير، أنا مش هعملها".

تجربة نسل الأغراب والانطباعات

وعن مشاركتها في مسلسل “نسل الأغراب”، أكدت هدير عبد الناصر:"لا خالص، لي بالعكس كنت مع الأستاذ محمد سامي المخرج الكبير اللي بالمناسبة رشحني في لؤلؤ".

واستكملت:"وكان سبب بعد ربنا وتوفيق ربنا إن الناس تعرفني وتشوفني حمسني وشجعني ودعمني، واتشرفت إني كنت مع نجوم كبار زي النجم أحمد السقا، النجم أمير كرارة، النجمة مي عمر".

وحول الانتقادات، قالت:"مفيش مشكلة، عادي. إحنا في الأول وفي الآخر بنعمل فن الفن ده بتعرضه على الناس، بيحبوه مش بيحبوه، بيتقبلوه مش بيتقبلوه ده عادي، مفيش مشكلة. طبعا الناس براحتها".

وصف شخصية الست موناليزا

وحول مسلسها الجديد مع مي عمر الست موناليزا، وصفت هدير الشخصية بكلمة واحدة:"يعني ممكن أقول دلوقتي حماس. طول الوقت متحمسة، عايزة تعرفي هيحصل إيه، فاقدر أقول حماس".

أقرب الشخصيات لقلبها

وعن أكثر شخصية شعرت بالقرب منها، قالت هدير:"الاتنين طبعاً، بما إني اشتغلت الاتنين ووافقت على الاتنين، حبيت الاتنين. مش هعمل حاجة وما حبيتهاش طالما عملت ولاء وعملت مريم، يبقى أنا حبيت ولاء وحبيت مريم وحبيت إني أقدمهم".