الناقد أحمد سعد الدين: أسماء جلال لعبت الدور على قد ما الورق مكتوب
علق الناقد الفني أحمد سعد الدين على الجدل المثار حول فيلم “السلم والثعبان 2”، مؤكدًا أن العمل يمثل رؤية سينمائية خاصة من خيال المؤلف، وليس له صلة بالمسلسل التلفزيوني الذي يحمل نفس الاسم.
وقال الناقد أحمد سعد الدين في تصريح خاص لـ" وشوشة":“لزم نعرف أن دا فيلم سينمائي جايب مجتمع لا يتمشي مع المجتمع اللي إحنا عايشين فيه أو طباع لا تتمشي معاه، ولكن دا من خيال مؤلف السينما السينما أنا اللي بختار أتفرج عليها ولا متفرجش، أنا حر لو مسلسل، تمام، أصلاً هو بيدخل البيوت غصب عننا".
مشاهد جريئة وحرية الاختيار
أوضح سعد الدين أن الفيلم يحتوي على مشاهد جريئة، لكنها لا تتجاوز نطاق الحرية الفنية.
وأضاف الناقد أحمد سعد الدين :“في مشاهد ممكن تبقى جريئة، الفكرة نفسها جريئة قبل كده جابلنا أفلام زي البنات والصيف وهو فيلم أتعمل، من حق حد يتفرج عليه ومن حق حد يرفضه".
وأشار إلى أن الانتقادات المتعلقة بالمشاهد الجريئة مسألة رأي شخصي، موضحًا:“مشاهد فيها انتقادات، لو جمهور تمام، متمنعش عرض الفيلم ويقولوا مشاهد خارجة طالما أعطي التصريح رقابة. طالما نزل، انت شايف بنسبالك خارج لا".
أداء أسماء جلال ودور المخرج
عن أداء الفنانة أسماء جلال في الفيلم، قال الناقد أحمد سعد الدين:"أسماء جلال تم اختيارها لهذا الدور، والمخرج أدار موهبتها ليكمل الفيلم بالشكل اللي هو عايزه، مش اللي هي عايزه حق المخرج، هي لعبت الدور على قد ما الورق مكتوب، ولما لبسها جريء، دا من حق السينما، لكن مش يبقى موجود دراميًا، لأن السينما هي الشيء الوحيد اللي يبقى باختيارك".
الرد على الانتقادات والسوشيال ميديا
تناول الناقد الفني الانتقادات الموجهة للفيلم، موضحًا أن الجدل على وسائل التواصل الاجتماعي غير مقياس للفن:
“في آراء إن في مشاهد غلط أو جريئة، دا مشكلة السوشيال ميديا هو فيلم زي أي فيلم، أفلام كتير على مدار السنين اللي فاتت كانت أسوأ من كده بكتير وكان في مشاهد بدل رقص، كل واحد حر طالما سينما، لكن لو دراما تلفزيونية كان هيبقى في رأي تاني".
وتابع سعد الدين حديثه حول الهجوم على أسماء جلال:
“هجوم فظيع على أسماء جلال، وفي نقطة مهمة جدًا، الفيلم مكتوب عليه فوق 16 سنة ودا طبيعي ونزل من فترة إيه اللي فكر الناس دلوقتي لو مسكت الفيلم دلوقتي؟ أقول المستوى الفني لا يقل عن 6 من 10، دا محاكمة فنية. مشكلتنا دلوقتي السوشيال ميديا بتدخل في كل حاجة".
أكد الناقد أحمد سعد الدين أن فيلم “السلم والثعبان 2” يمثل رؤية سينمائية حرة، وأن أي نقد يجب أن يراعي طبيعة العمل كفيلم سينمائي وليس كدراما تلفزيونية، مع احترام حقوق المخرج والفنانين المشاركين في العمل.
