بعد ارتفاع أسعار الذهب.. ياسمين عز توجه رسالة صادمة للرجال
قالت الإعلامية ياسمين عز خلال برنامجها كلام الناس المذاع عبر قناة MBC مصر:"الدهب وصل لـ 8 آلاف جنيه.. قوم بيع مراتك شبكتها قوم.. مراتك زهرة اللوتس.. لابسة ثروة تنافس بيها سميح ساويرس."
نصائح حول المجوهرات الزوجية
وأضافت ياسمين عز:"قوم بيع مراتك شبكتها.. مراتك زهرة اللوتس لابسه ثروة تنافس بيها سميح ساويرس، قوم لو متجوز بدبلة ومحبس وسلسلة وانسيال، متوسط الدبلة 5 جرام، متوسط المحبس 5 جرام، متوسط السلسة والانسيال 7 جرام، لو ضربنا البسط في المقام هيبقى معانا كله 24 جرام في 8 آلاف يعني 192 ألف جنيه، ده غير السلسة والغويشة اللي حماك هدها بيها، واللي جبتهلها مامتها، فانت كده تحتكم على ثروة."
الاستثمار في الذهب وعدم الندم
وأكدت :"بعد ما الدهب كسر 8 آلاف جنيه متندمش إنك مستثمرتش في الدهب، متندمش إنك مشترتش سبايك وجنيهات دهب مش عاوزاك تندم، لأن الدهب لما كان بـ 3000 جنيه ماكنش معاك فلوس، ولما كان بـ 4 آلاف بردو ماكنش معاك فلوس، ولما وصل لـ 8 آلاف لسه مش معاك فلوس، فالمفروض متندمش إنك مشترش دهب، المفروض تندم إن مش معاك فلوس."
وفي نفس السياق، قالت الإعلامية ياسمين عز، إن الطقس شديد البرودة يستدعي اهتمامًا خاصًا من الزوجات بأزواجهن.
الجو برد زمهرير
وأضافت ياسمين عز:الجو برد زمهرير، ومسمعش واحدة ست تقول لجوزها قوم استحمى، يستحمى إيه مدام في الجو ده، انتي استحمي مكانه، أمال انتي لزمتك إيه.
ممنوع غسل الكوباية
وتابعت:متسبوهوش يغسل كوباية، اغسليها انتي وامسكيها هو في إيده لحد ما تنشف.
احتقان الزور مش مهم
واستكملت حديثها قائلة:جالك احتقان في الزور مش مهم يا مدام، انتي مش أم كلثوم، المهم جوزك يفضل دفيان،وأوضحت ياسمين عز:الست بنت الأصول تنام لابسة شراب، عشان لو رجلها خبطت في رجل جوزها متلسعهوش.
الدفا قبل الفلوس
وأكدت:اللي جوزها دفيان أحسن من اللي جوزها معاه فلوس.
اللحاف والشباك
واختتمت حديثها قائلة:متاخديش اللحاف كله لوحدك وجوزك يموت من البرد، ولو الشباك مفتوح وجايب هوا قومي خديه كله انتي وقفلي الشباك.