رضوى الشربيني: "أنا في ضهر كل ست وبنت تعرضت للابتزاز بصور مفبركة"
تحدثت الإعلامية رضوى الشربيني، عن تعرض الفنانة ياسمين عبد العزيز لحملة بنشر صور مفبركة لها ونشرها على مواقع التواصل الاجتماعي، مشيرة إلى إعلان الفنانة بتقديمها بلاغ للنائب العام حول هذه الواقعة.
ووجهت الشربيني، خلال برنامج “هي وبس” المذاع عبر شاشة “دي أم سي”، رسالة لكل سيدة تعرضك لأي نوع من أنواع الابتزاز بصور مفبركة لها.
رضوى الشربيني تدعم النساء
وقالت: “أنا بقول لكل البنات اللي اتعرضت أو ممكن تتعرض لحاجة زي دي، إحنا بنقولك دي فنانة وقدمت بلاغ، روحي وقدمي أنتي كمان بلاغ فورًا وحقك هيجي بالقانون”.
كما وجهت رسالة للأهالي قائلة: “بكلم الأهالي، كل أب وكل أم لو لا قدر الله جالك صورة لابنك أو بنتك اتأكد أنها حقيقة ومش ذكاء اصطناعي، للأسف الشديد في ناس تسئ استخدام الذكاء الاصطناعي وده نتيجته بتكون وخيمة”.
وتابعت: “أنا بقيت أشوف صور شخصية ليا أنا نفسي بالذكاء الاصطناعي بقا تلغبطني، مبقتش عارفة أفهم دي أنا ولا حد تاني، وعلشان كده بقول لكل بنت وست أنا مستعدة من دلوقتي أعمل حملة أساعدك بيها لو تعرضتي لأي أذى أو محاولة فبركة صور، من خلال هي وبس في أكثر من محامي صديق للبرنامج، كلهم قادرين يقفوا معاكي ويقدموا بلاغ وتاخدي حقك تالت ومتلت بالقانون وتثبتي أن ده مش حقيقي”.