حمادة هلال يكشف سر خروجه من أغاني الحزن: "الفنان لازم ينوع"
تحدث النجم حمادة هلال عن السبب الحقيقي وراء خروجه من لون الحزن في الأغاني التي كان يقدمها، وخلال السطور التالية ينقل لكم موقع وشوشة أبرز تصريحاته استضافته في برنامج "ضيفي" مع الإعلامي الكبير معتز الدمرداش، المذاع عبر شاشة الشرق.
لماذا قرر حمادة هلال الابتعاد عن أغاني الحزن؟
قال الفنان حمادة هلال:"أنا لما خرجت من لون الحزن في الغناء كان علشان ناس كتير قوي قالت لي: إنت هتفضل تغني حاجات حزينة؟ هتفضل كده على طول؟ فخرجت من لون الحزن ده، وبقيت أحاول إن أنا أنوع".
وأضاف: "وعملت أغنية مش هقول".
نجاح غير متوقع لأغنية "مش هقول"
وتابع قائلًا:"الأغنية دي لما اتعمل الكليب بتاعها بفكرة العرايس نجحت جدًا، وكانت مختلفة وقتها".
وأشار إلى أن هذا النجاح شكل نقطة تحول في مشواره الفني.
"هاتوا الفلوس اللي عليكم".. تجربة غنائية سينمائية ناجحة
وأوضح حمادة هلال:"أنا كنت بشتغل على فيلم العيال هربت، وجات الأغنية بتاعته هاتوا الفلوس اللي عليكم في الفيلم، فبرضه نجحت جدًا".
وأضاف: "الناس استغربت وبقت شايفة إن العملين دول إيه ده؟ هو اللي كان عامل أغاني كلها حزن ودموع".
صدمة الجمهور كانت ضرورية
واختتم النجم حمادة هلال حديثه قائلًا:"في ناس كانت عايشة معاك حالة الشجن اللي إنت كنت عايزها في الحزن، فلما غيرت اللون ده أخدوا صدمة، لكن ده كويس؛ علشان مش كل الناس بتحب كل الألوان، والفنان لازم ينوع".