أحمد العوضي: فخور بتكريمي للعام الثالث.. ومهرجان "الأفضل 2025" الأقرب لقلبي
أعرب النجم أحمد العوضي عن سعادته بتكريمه في مهرجان الأفضل 2025، الذي تنظمه وشوشة برعاية شبكة تلفزيون النهار.
وقال:"أنا فخور جدًا بتكريمي للسنة الثالثة على التوالي، وده بسبب دعم جمهوري وأخواتي ليا، ومبسوط إن أنا بتكرم في مهرجان الأفضل، اللي هو من أفضل وأقرب المهرجانات لقلبي، وإن شاء الله السنة الجاية برضه أكون موجود".
وخلال السطور التالية، يرصد لكم موقع وشوشة أبرز تصريحاته لبرنامج وان تيك، على هامش حضوره الدورة الـ11 من مهرجان الأفضل.
حفل الزفاف قريب جدًا
صرح النجم أحمد العوضي أن حفل زفافه سيكون قريبًا جدًا، وقال:"إن شاء الله بإذن الله، من غير مقاطعة، وهبقى أعزمكم كلكم، وكلكم إخواتي".
مسلسله الجديد في رمضان 2026
وتطرق للحديث عن مسلسله الجديد، الذي سيشارك به في موسم رمضان 2026 على قناة كلاي، محمسًا جمهوره ومتابعيه للمسلسل، قائلًا:"هتشوفوا دور حلو، ومسلسل حلو، مختلف ومهم، وإن شاء الله يعجب الجمهور، ويعدي نجاح فهد البطل كمان".
فيلم جديد مع مي عمر
كما كشف عن فيلمه الجديد، الذي يتم التحضير له، وهو فيلم شمشون ودليلة، مع النجمة مي عمر.
وقال:"الفيلم ده جامد جدًا، ومختلف عن أي أدوار أنا قدمتها في المسلسلات، وبرضه مختلف عن أي أدوار مي عمر قدمتها قبل كده".
تعليقه على الانتقادات
واختتم حديثه بالتعليق على الانتقادات التي تواجهه خلال هذه الفترة، قائلًا:"أنا بتكلم إخواتي، وكل كلامي موجه ليهم، وأنا لما اتكلمت كان معاهم، كون بقى إن كلامي أنا هعمل إيه، أنا بوجه كلامي لجمهور اللي بيحبني وإخواتي، وأنا بتمنى في 2026 الصحة والنجاح، وإن إخواتي يفضلوا في ظهري".