يارا السكري تحسم الجدل حول ارتباطها بـ أحمد العوضي: "مفيش حاجة وأنا سينجل"

كشفت الفنانة يارا السكري حقيقة الشائعات التي ترددت خلال الفترة الماضية حول ارتباطها بالنجم أحمد العوضي.
 

وخلال السطور التالية، ينقل لكم موقع وشوشة أبرز تصريحاتها لبرنامج "ET بالعربي".

الشائعات غير حقيقية

أكدت الفنانة يارا السكري أن كل ما تردد عن ارتباطها بأحمد العوضي بعيد تمامًا من الصحة، قائلة: "مفيش حاجة، وأنا لحد دلوقتي سينجل".

تكرار الشائعات بسبب العمل المشترك

وأضافت يارا أن هذه الشائعات ليست جديدة، موضحة: "دي مش حاجة جديدة، دي حاجة بتتكرر، وأنا دي تالت سنة ليا أشتغل مع أحمد العوضي، وكل سنة يحصل كده".

حب الجمهور سبب الانتشار

وأوضحت أن سبب انتشار تلك الشائعات يعود إلى حب الجمهور الكبير لأحمد العوضي، وكذلك محبة بعضهم لها، قائلة: "الشائعات دي بتيجي علشان الجمهور بيحب أحمد العوضي جدًا، وكمان في ناس بتحبني على حبهم لأحمد".

علاقة صداقة واندماج في العمل

وتابعت: "السنة دي يمكن الشائعات زادت شوية، علشان إحنا علاقتنا كويسة وإحنا صحاب، وفي اندماج أكتر، وده اللي خلى الناس تقول كده، ويمكن كمان بسبب إن الناس شافت تعليقاتنا عند بعض، بس إحنا بنهزر وإحنا صحاب".

صداقة فقط حتى الآن

واختتمت يارا السكري حديثها قائلة: "إحنا علاقتنا حلوة والناس بتحبها، وفي ناس كتير بيتمنوا أحمد يتجوز، فعلشان هو سينجل وأنا سينجل، بيحصل كده والناس بتتمنى تفرح بينا، لكن مفيش حاجة، وأنا لحد دلوقتي سينجل، أنا مكنتش سينجل، بس حاليًا أنا سينجل".