عمرو سعد: "تقليل حبكات الدراما عشان الموبايل تخلف عقلي"
علق الفنان عمرو سعد على رؤية تخفيض حبكات العمل الدرامي لإعطاء فرصة للمشاهد أن يركز مع العمل وهو ينظر إلى الهاتف.
وخلال السطور التالية ينقل لكم موقع “وشوشة” أبرز تصريحاته خلال استضافته في برنامج "المزيكا لعبتنا" المذاع عبر إذاعة “إنرجي”.
طرحت الإعلامية منة عامر سؤالًا على عمرو سعد حول أن الأعمال الدرامية الأخيرة يتم تأليفها بشكل معين، قائلة: "المؤلف مش بيحط تفاصيل وحبكات كتير في العمل علشان عارف إن المشاهد بيكون ماسك الموبايل، فبيتيح له فرصة إنه يركز مع العمل من غير ما يفوته حاجة وهو ماسك الموبايل، هل ده شيء صح وبيحصل فعلًا ولا لأ؟".
عمرو سعد: "ده اسمه تخلف عقلي"
ورد عليها عمرو سعد قائلًا: “لأ، ده اسمه تخلف عقلي، مفيش حاجة اسمها كدة، وده شيء مش مفيد للدراما أبدًا”.
وأضاف: “أنت لازم تعتمد على تفاعل المشاهد، إنما اللي بيحصل ده اسمه جنون الرفاهية حرفيا، دي حاجة بتقتل الناس ومش بتديهم فرصة إنهم يتفاعلوا مع العمل الدرامي”.
العودة للطبيعة ومخاطر الرفاهية الزائدة
واختتم عمرو سعد حديثه قائلًا: “إحنا لازم نرجع نتعامل مع الطبيعة أكتر، يعني كتر الراحة والرفاهية للإنسان بقى فيها شيء ضدنا ومش في صالحنا، بتخليه حتى يكسل يتابع، طب ده أنت بعد كدا هتروح فين، ده أكتر حاجة سهلة إنك تتابع، إنت كده رايح فين بقى؟، وده بيعمل شيء بيأثر على مخ الإنسان، الإنسان مش متعود على ده، الإنسان لازم يتفاعل، وده هيطلع أجيال بعد كده فعلًا متخلفة”.