تامر أمين عن مجموعة مصر في كأس العالم: عنب ولوز

علق الإعلامي تامر أمين على المجموعة التي سيلعب فيها منتخب مصر في كأس العالم لكرة القدم، وخلال السطور التالية ينقل لكم موقع “وشوشة” أبرز تصريحاته خلال حلقة اليوم من برنامج "آخر النهار" المذاع عبر شاشة النهار.

"اللي يروح بدري يطلع له عنب ولوز"

قال الإعلامي تامر أمين مازحًا: “أنا عرفت إن خالد الدرندلي وحسام حسن وإبراهيم حسن وصلوا المكان اللي بتتعمل فيه قرعة كأس العالم قبل الميعاد بـ6 ساعات، أنا بيني وبين نفسي قلت هم رايحين بدري كده ليه؟ لكن بعد كده عرفت عرفت إن اللي بيروح بدري بيطلع له في القرعة فرق عنب وقرعة لوز”.

وأضاف: "ما فيش أعنب ولا أجمل من المجموعة اللي طلع فيها منتخب مصر، والدليل على كده الضحكة اللي على وش التوأم حسام حسن وإبراهيم حسن، لأن لو قبل القرعة كنا سألنا حسام وإبراهيم تحبوا مجموعة عاملة إزاي؟ أعتقد إنهم كانوا هيختاروا حاجة أصعب من دي".

"إيران ونيوزيلندا مش منطقي"

وتابع أمين: “أصل برضه مش منطقي نجيب إيران ونيوزيلندا يعني لو هم اللي بيختاروا كانوا هيحطوا فرقة نص نص علشان المنظر العام”.

حظوظ مصر والتفاؤل بالمجموعة

وتابع الإعلامي تامر أمين: "الأقدار تسير بالإيجاب لصالح منتخب مصر لكرة القدم".

وأشار إلى أن المنتخب الأوروبي الوحيد في مجموعة مصر ليس بقوة باقي منتخبات أوروبا قائلا: “فرقة بلجيكا فرقة كويسة ومحترمة، لكن مش هي بلجيكا بتاعة كام سنة فاتت”.

في إشارة منه إلى تراجع مستواها عن السابق.

"المجموعة سهلة وفرصنا كبيرة"

وأعرب تامر أمين عن سعادته وحماسه لمشاهدة مباريات المنتخب المصري في هذه المجموعة التي وصفها بأنها سهلة وتتيح فرصًا كبيرة للفوز.

وقال: “الماتش بس بتاع بلجيكا نخلص منه بأي طريقة وبعدين إحنا ونيوزيلندا وإيران هندبرها مع بعض”.

رسالة أخيرة للجهاز الفني

واختتم الإعلامي الكبير تامر أمين حديثه قائلًا: "أنا مش عايز أسمع بقى إن فيه أي خطأ من الجهاز الفني، ولا من اتحاد الكورة، ولا من أي حاجة، القرعة جميلة".