أمينة خليل: مريت بتجارب صعبة في حياتي.. واتعلمت أتوكل على ربنا

تحدثت النجمة أمينة خليل عن أصعب المواقف والتجارب التي مرت بها في حياتها، مؤكدة أنها كانت تجارب قاسية تركت أثرًا كبيرًا داخلها، لكنها في الوقت نفسه منحتها أهم درس في حياتها.

وخلال السطور التالية ينقل لكم موقع وشوشة أبرز تصريحاتها خلال إستضافتها في برنامج “The W” مع سيدة الأعمال دينا غبور، المذاع عبر موقع التواصل الإجتماعي يوتيوب.

التجارب الصعبة ودروس الحياة

قالت أمينة خليل:"أنا مريت بتجارب صعبة جدًا في حياتي، ودي اللي علمتني أهم حاجة في الدنيا… التوكل، اتعلمت إني أتوكل على ربنا 100%، وأرمي كل حاجة عليه طول الوقت، حتى وأنا في عز المشكلة، أهم حاجة إن الإنسان يتوكل على ربنا وهو جوه المشكلة، مش بعد ما تهدى أو ميبقاش فيه مشاكل."

صوت مسموع ومسؤولية كبيرة

وفي سياق متصل أكدت النجمة أمينة خليل أنها بدأت تدرك فكرة أن لها صوتًا مسموعًا، وأن هناك عددًا كبيرًا من الفتيات يعتبرنها قدوة ويهتممن بما تقوله.

وقالت:"أنا حاسة بفكرة إن ليا صوت مسموع، وفي بنات كتير بيشوفوني مثل أعلى وبيهتموا بآرائي. 
ودي مسؤولية كبيرة قوي… وأنا ممتنة لله جدًا علشان الشيء ده. الإحساس ده هو أكتر حاجة بتخليني أكمل في الشغلانة دي رغم قسوتها."

التعب يزول بكلمة واحدة

وتابعت حديثها عن الضغوط التي يعيشها الفنان خلف الكواليس، سواء أثناء فترات اللخبطة وقت التصوير، أو تحت تأثير الشائعات والأضواء.

وأضافت:"كل التعب اللي الفنان بيحسه في وقت اللخبطة، والتصوير، والإشاعات، والضغوط… كله بيختفي في ثانية، أول ما ييجي حدّ يقولي: إنتي غيرتي تفكيري… أو شجعتيني… أو عملتي فرق بأي شكل من الأشكال."