أحمد فهمي: الطلاق مش سهل أبدًا مهما كنت عايز تمشي!

تحدث الفنان أحمد فهمي عن عدد المرات التي تزوج فيها، وذلك خلال استضافته في برنامج "mirror" المذاع عبر موقع التواصل الاجتماعي يوتيوب، والذي يقدمه الإعلامي خالد فرج.

وفيما يلي ينقل لكم وشوشة أبرز تصريحاته..

الطلاق… بين الحقيقة والحساسية

قال أحمد فهمي ردا على سؤال الإعلامي خالد فرج، إن هناك بعض الناس يعتقدون أن قرار الطلاق سهل بالنسبة له، لأنه تزوج وطلق ثلاث مرات، بالإضافة إلى أنه كان شاهدًا على عقد طلاق والده ووالدته عندما كان في عمر الـ19 عامًا.

وأضاف:"أنا بالنسبة لي، أكيد تجربة الطلاق مش سهلة. حتى لما أي حد من صحابي بيبقى هيطلق ويقول لي، بقول له خلي بالك إن تجربة الطلاق دي مش سهلة، والقعدة نفسها بتاعة الطلاق بتكون قعدة حساسة جدًا وصعبة، ومشاعرها وطاقتها وحشة جدًا، مهما كنت… حتى لو كنتَ أنت عايز تمشي. القعدة اللي بتقعدها وأنت عارف إنك هتفارق حد… دي صعبة، مش سهلة أبدًا".

فهمي يرد على الانتقادات 

وتطرق أحمد فهمي للحديث عن تعليقات بعض الجمهور الذين يستخدمون صراحته في البرامج ضده، قائلاً: "يعني أنا مثلًا دلوقتي قلت إن أنا شهدت على عقد طلاق أبويا وأمي، الناس خدوها واستخدموها ضدي، ويقولوا آه هو علشان شاف طلاق أبوه وأمه يبقى هو طلّق ظلم، علشان هو أصلًا ما عندوش قلب الكلام ده مش حقيقي."

وتابع مستنكرًا: "أنا نفسي الناس اللي بتتكلم كده تعرف إنها ما كانتش قاعدة ولا موجودة في أي حاجة من الحاجات اللي هي بتتكلم عليها دي. هما بإيه حق بيحكموا وبيأكدوا وبيقولوا؟".

تفاصيل زيجاته الثلاث

واستكمل قائلًا:"يعني أنا هحكي حاجة دلوقتي… تعالوا نتكلم بشكل عام عن الثلاث جوازات: الجوازة الأولى ليا ما كانتش جوازة… كان كتب كتاب، لكن ما كانش نصيب، والعلاقة لحد دلوقتي علاقة كويسة جدًا، الجوازة التانية برضه ما حصلش نصيب، والعلاقة ما بينا كانت محترمة جدًا وما زالت كويسة جدًا.
 

وأردف: "ولما يحصل خلاف بين اتنين، مش معناه إن حد كويس وحد وحش. ومش لازم حتى لو في حد أو طرف وحش، إني أطلع في التلفزيون وأتكلم وأقول إن في حد كده علشان أبان إن أنا الطرف الكويس."

"التربية تمنعني": فهمي يرفض التشهير بطليقاته

واستكمل أحمد فهمي حديثه قائلًا: “أنا في أي جوازة كنت بقول دايمًا أكيد المشكلة فيا، علشان تربيتي بتقول إن الست دي كانت مراتي وكانت في بيتي، فأنا لازم أصونها وهي مراتي، وكمان بعد ما تطلق… ما ينفعش أتكلم عليها، لكن مش معنى إن أنا مش بتكلم يبقى أنا الطرف الوحش، ومش معنى إن أنا حتى قلت كلام علشان أهدي الحالة وأبين إنه خلاص… الموضوع انتهى، يتمسك عليا ويتقال إن أنا اللي غلطان”.

واختتم: "طب ما أنا ممكن… طالما هي كده… أطلع في التلفزيون وأتكلم وأقول المشكلة، وأنا عندي كلام أقوله، لكن أنا ما اقدرش أعمل كده… تربيتي ما تخلينيش أعمل كده".