بسنت شوقي عن "ورد وشيكولاتة": شخصية صلاح تعبت محمد فراج جدًا
بعد النجاح الكبير الذي حققه مسلسل "ورد وشوكولاتة" الذي قدم فيه الفنان محمد فراج دور المحامي صلاح، أكدت زوجته الفنانة بسنت شوقي أنه تأثر بشدة بهذا الدور.
وخلال السطور التالية ينقل لكم موقع وشوشة أبرز تصريحات الفنانة بسنت شوقي والفنان محمد فراج لبرنامج "ET بالعربي".
ضغوط نفسية وتوتر خلال فترة التصوير
قالت الفنانة بسنت شوقي:"محمد فراج من الفنانين اللي بيتأثروا جدًا بأي دور بيقدموه… وفعلاً الفترة اللي فاتت كانت صعبة عليه جدًا وعليّ أنا كمان، لأنه كان مضغوط قوي وتعبان جدًا، والموضوع قعد فترة معاه.
وعلشان كده أنا شايفة إنه محتاج ياخد فترة راحة شوية."
الإخلاص في العمل… وسر النجاح
وأضاف محمد فراج:"أنا بعتقد وبؤمن جدًا بفكرة إن اللي بيحب حاجة ويعملها بإخلاص ليستمتع بيها… ده غير إن ربنا هيكرمه عليها بعدين.
كده كده ده طبعًا توفيق من عند ربنا."
مشاريع متتالية وإرهاق كبير
وتابع:"أنا بتعب واجتهد في الشغل… وبخلص الشغل بكون فعلاً تعبت، وخصوصًا لما يكون عمل صعب زي كتالوج، وبعدين حاجة صعبة تاني زي ورد وشوكولاتة، وبعدين مسلسل خاص لسه هيتذاع السنة الجاية."
ردود فعل الجمهور… ومواقف طريفة
وفي سياق متصل كشف الفنان محمد فراج عن ردود الأفعال التي وصلته من مسلسل ورد وشوكولاتة، وقال مازحًا:"الجمهور عمل حملة انقذوا بسنت شوقي… الناس فكرت صلاح حقيقي وصدّقت فعلاً الدور."
تفاعل واسع وردود أفعال إيجابية
واختتم الفنان محمد فراج حديثه مؤكدًا أنه يتابع بعض التعليقات عن المسلسل وردود الأفعال على شخصية صلاح، وقال:"الحمد لله… الحمد لله ردود أفعال الناس جميلة."