عمرو سلامة: أنا زملكاوي والدراما جزء من حبنا للنادي

كشف المخرج عمرو سلامة عن ميوله الرياضية، مؤكداً أنه يشجع نادي الزمالك.
وخلال السطور التالية ينقل لكم موقع وشوشة أبرز تصريحاته لشاشة “صدى البلد” على هامش حضوره فعاليات الدورة 46 من مهرجان القاهرة السينمائي الدولي.

أكد المخرج الكبير عمرو سلامة أنه يشجع نادي الزمالك منذ صغره، وقال:"أنا زملكاوي… محطم بس هنعمل إيه، أنا بحب الزمالك… ما عندناش حل غير إننا نفضفض على السوشيال ميديا."

الزمالك… المفاجآت والإحباطات لكن الحب لا يتغير

وتابع قائلاً:"و الزمالك طول الوقت كده… ساعات بيفاجئك في أصعب اللحظات وغير متوقع، حتى في أكثر الأوقات اللي بيكون عندك فيها أمل، ساعات بيفاجئنا بإحباط رهيب، هو الزمالك كده طول الوقت… غير متوقع."

الدراما في حب الزمالك

وأكد المخرج الكبير عمرو سلامة أن حبه للزمالك يكمن في الدراما التي يعيشها معه، قائلاً:"هي… الزمالك حلاوته في الدراما اللي بنعيشها طول الوقت معاه، إحنا بنحبه برغم كل حاجة. وأنا بحب حتى الدراما اللي هو بيحطنا فيها طول الوقت."

مشاهدة المباريات… ورفقة المشجعين

وأشار عمرو سلامة إلى أنه يحب مشاهدة مباريات الزمالك مع أصدقائه من مشجعي الفريق، مثل الفنان هشام ماجد، مشيراً إلى أنه يكره مشاهدة مباريات الزمالك مع النجم أحمد فهمي؛ لأنه أهلاوي متعصب وله ردود لاذعة.

حب لا يتغير… مهما كانت النتيجة

واختتم المخرج الكبير عمرو سلامة حديثه مؤكداً أنه يعشق نادي الزمالك، ودائماً ما يحب مشاهدة مبارياته سواء في الخسارة أو المكسب، وقال:"أنا بحب طول الوقت أتفرج على ماتشات الزمالك، وكمان بحب بعد الماتش يخلص سواء كسبنا أو خسرنا، بحب أتابع آراء بعض الإعلاميين، منهم طبعًا عمرو أديب، وعلى فكرة… أغلب مشجعي الزمالك بيحبوه حتى وقت الخسارة."

وأضاف:"يعني إحنا لعبنا ماتش… كسبنا تمام… هنفرح، خسرنا تمام برضه هنفضل نحبه، إنما مش هنتصدم بقى ونزعل. وبالرغم من كل اللي بنشوفه مع نادي الزمالك… عمري ما حسيت إني عايز أشجع نادي تاني خالص، أنا بحب الزمالك وطول الوقت هفضل بحبه"