إسلام فوزي: ياسمين هي البوصلة الخاصة بي وأخذ رأيها دائما

كشف البلوجر والممثل الشاب إسلام فوزي عن تفاصيل تحوله من شخص عادي إلى بلوجر شهير خلال فترة زمنية قصيرة.
 

وخلال السطور التالية ينقل لكم موقع “وشوشة” تصريحاته خلال استضافته في برنامج “الستات” المذاع عبر شاشة “النهار”، وتقدمه الإعلاميات سهير جودة ومفيدة شيحة.

البداية مع ياسمين

أكد إسلام فوزي أنه تشجع لدخول عالم السوشيال ميديا بعد دخول ياسمين إلى هذا المجال، موضحًا أنه كان يرغب في خوض التجربة وتقديم شيء مختلف، لكنه لم يكن يعلم كيف يبدأ أو ماذا يقدم، وقال: “أنا اللي روحت وقلت لها: لو ماعملتش حاجة دلوقتي هيجرالي حاجة، كنت بدأت أحس إن في حاجة غلط، وإن ده مش مكاني، لحد ما شوفت ناس بتقدم محتوى على السوشيال ميديا، وحسّيت إني أقدر أعمل كده وأقدم محتوى، حسّيت إني عايز أكون على السوشيال ميديا”.

البداية الحقيقية في أبريل 2018

وأضاف فوزي: “ده كان تقريبًا في شهر أبريل 2018، كان يوم كده حسّيت إني عايز أعمل حاجة دلوقتي حالًا، وبدأت بجروب على الفيس بوك، ومن هنا الدنيا مشيت”.

أول تجربة أمام الكاميرا

وأشار إلى أنه كان يقدم لايف كل يوم جمعة في الجروب الذي أنشأه على “فيسبوك” وقال: “وقتها خدت رأي ياسمين فيه، وحسّيت إنه لذيذ، وكنت بقدّم نشرة أخبار الجروب، ودي جرأتني أوي على الكاميرا، وكانت فكرة لذيذة جدًا”.

واختتم إسلام فوزي حديثه قائلًا: “في الأول كنت باخد رأيها في حاجات كتير، وأول ما أحس إني هتوه باخد رأي ياسمين هي البوصلة بتاعتي”.

وفي سياق متصل تحدثت إسلام فوزي عن رأيه في فكرة المسلسل الذي يقدمه بإخراج وليد محمود، قائلا: "لما الفكرة جتلي من وليد كانت بادئة كأسكتش على السوشيال ميديا، وبعدين اتطورت لحد ما وصلت إنها تكون مسلسل، لما سمعتها في الأول كانت لذيذة جدًا، لأن حتى لو كنا هنعملها كسكتش كانت هتكون قريبة مني أنا وياسمين، ومن يوميات عائلة مصرية بتواجه كل حاجة يوم في اليوم من مذاكرة الأولاد لشراء الطلبات وكل ده، الموضوع بالنسبالي كان بسيط ولذيذ، وده مش تمثيل".