سهير جودة ومفيدة شيحة يشدن بترشيح محمد صلاح لجائزة أفضل لاعب في العالم

تحدثت الإعلاميات سهير جودة ومفيدة شيحة عن ترشيح نجم كرة القدم العالمي المصري محمد صلاح لجائزة أفضل لاعب في العالم لعام 2025.

وخلال السطور التالية ينقل لكم “وشوشة” تصريحاتهن خلال حلقة اليوم من برنامج "الستات" المذاع عبر شاشة “النهار”.

مفيدة شيحة: فخورة بوجود اسم صلاح بين الأفضل في العالم

أعربت الإعلامية مفيدة شيحة عن مدى اهتمامها بأخبار الكرة، خاصة ما يخص النجم محمد صلاح، مؤكّدة على سعادتها العارمة بوجود اسم محمد صلاح ضمن قائمة المرشحين لجائزة أفضل لاعب كرة قدم في العالم لعام 2025.

سهير جودة: صلاح قصة نجاح مصرية عربية ملهمة

وأضافت الإعلامية سهير جودة أن هذا يأتي وفق إعلان الاتحاد الدولي للتاريخ والإحصاء الذي أعلن عن قائمة المرشحين للفوز بهذه الجائزة.

واستكملت جودة حديثها قائلة: "طبعا لازم كلنا ندعمه بكل ما أوتينا من قوة؛ لأن صلاح مش مجرد نجم أو لاعب كورة معروف ومشهور وله جماهيره، محمد صلاح هو قصة نجاح، قصة كفاح، قصة مصرية عربية حقيقية، قصة إلهام لشخص في كل الظروف والملابسات اللي مر بيها قدر أنه يكون أسطورة، ودي حاجة كبيرة جدا ومشرفة، وده شيء بيورّينا وبيأكدلنا إننا لو حلمنا وسعينا وتوكلنا على ربنا تعبنا مش هيروح، ومهما كانت الظروف، بالإرادة والموهبة وتوفيق ربنا هنوصل ونحقق أحلامنا".

مفيدة شيحة: ربنا شاور على محمد صلاح

ومن جانبها أضافت الإعلامية مفيدة شيحة: "الفكرة كمان إن ربنا يشاور عليك، محمد صلاح ربنا شاور عليه، وشاف إزاي هو تعبان ومجتهد ويراعي الناس، وحاجات كتير بيعملها، محمد صلاح لوحده أسطورة كبيرة جدا".

دعم كبير وتمنيات باستمرار النجاح

واختتمت الإعلاميات سهير جودة ومفيدة شيحة حديثهن: "محمد صلاح مش قليل، محمد صلاح تعب جدا واجتهد جدا، بالعكس الترشيح ده مش حاجة كتير على محمد صلاح، وإن شاء الله نتمنى له ياخد الجائزة، وينجح أكتر، وقصته تفضل مستمرة بالرغم من الحالة اللي بيمر بيها نادي ليفربول الفترة دي".