باسم يوسف: اتغيرت زي البلد.. ومش بدور على رضا الناس
أكد الإعلامي الساخر باسم يوسف أن التغيير الذي يمر به طبيعي ومنطقي بعد سنوات طويلة من الغياب، مشيرًا إلى أن الحياة والتجارب تصنع داخل الإنسان نسخًا جديدة من نفسه، مضيفًا: "مش عامل قلق أستني اجيب القطة .. أنا اتغيرت زي ما مصر اتغيرت."
جاء ذلك خلال استضافته في برنامج "كلمة أخيرة" المذاع عبر قناة ON، حيث تحدث بصراحة عن ردود الأفعال الواسعة التي أثارها ظهوره الأخير، سواء من مؤيدين أو منتقدين، معتبرًا أن الاختلاف في الآراء دليل على أن الناس ما زالت تتابعه باهتمام.
ردود الأفعال بين الدهشة والتساؤل
قال باسم يوسف إنه قرأ مئات التعليقات على مواقع التواصل الاجتماعي بعد ظهوره، مضيفًا : "أنا مش متفاجئ من ردود الأفعال.. بالعكس، كنت متوقعها. الناس اتعودت على نسخة معينة من باسم، فلما بيشوفوني دلوقتي بيقولوا مش هو."
وأضاف أن أكثر ما أدهشه هو مطالبة البعض بأن يظل كما كان في بداياته، رغم مرور أكثر من عقد من الزمن، متسائلًا: "هو في حد بيبقى نفس الشخص بعد 11 سنة؟ أكيد لأ أنا اتغيرت، وأي حد طبيعي لازم يتغير."
أنا مش نسخة 2011
أوضح باسم يوسف أن المقارنة بينه الآن وبين نفسه في عام 2011 غير منصفة، لأن التجربة غيّرته على المستويين الإنساني والمهني، قائلًا: "أنا دلوقتي عندي 51 سنة، وشايف الدنيا بمنظور مختلف مش عايز أعيش في نفس الإطار القديم، ولا أكرر نفسي، لأن التغيير مش خوف.. ده تطور."
وأشار إلى أن الجمهور نفسه لم يعد كما كان، فالأفكار والاهتمامات تغيرت، وكذلك أسلوب المتابعة، مضيفًا: "حتى مصر اتغيرت، والناس بقت بتفكر بشكل مختلف، واللي كانوا بيحبوني زمان دلوقتي عندهم أولويات تانية. طبيعي جدًا."
التطور مش تراجع
وأكد يوسف أن بعض الناس بتفسر تغير مواقفه على أنه تراجع أو تناقض، لكنه يراه تطورًا طبيعيًا لأي إنسان بيكبر وينضج، موضحًا: "التجارب بتعلمنا. اللي بيعيش بنفس النسخة القديمة من نفسه بيقف مكانه. أنا بحب أشوف نفسي بتتطور، حتى لو ده بيخلي الناس تختلف معايا."
وتابع: "مفيش إنسان يفضل ثابت بعد كل اللي بيحصل حواليه. مصر نفسها أكبر دليل على إن التغيير ممكن يفتح باب لحاجة جديدة وأحسن."
باسم يوسف.. بين الحنين والنضج
وفي ختام حديثه، أكد الإعلامي الساخر أنه لا يعيش على أمجاد الماضي ولا يحاول استرضاء الجمهور، بل يسعى لتقديم ما يعبر عنه الآن، قائلاً:"مش لازم كل الناس توافقني، ولا لازم أكون نفس الشخص اللي عرفوه زمان. المهم أكون صادق مع نفسي."