"ما تستغربيش لو جوزك جوه علبة الحلاوة".. ياسمين عز تثير الجدل من جديد
أطلقت الإعلامية ياسمين عز تصريحات مثيرة، حيث شبّهت الزوج بحلاوة المولد، مؤكدة أنه المكوّن الأساسي للسعادة داخل البيت.
وقالت عز خلال برنامجها "كلام الناس" المذاع عبر قناة MBC مصر: "ما تستغربيش لما تفتحي علبة حلاوة المولد وتلاقي جوزك قاعد جواها، ده مكانه الطبيعي.. هي حلاوة المولد معمولة من إيه؟ عسل وسكر.. نفس مكونات جوزك بالظبط".
وأضافت: "أول ما تفتحي علبة حلاوة المولد اللي جوزك جبهالك بفلوسه، تضحكي في وشه وتقوليله: السمسميّة حلوة بس مش أحلى منك يا حبيبي، أو الحمصية حلوة بس مش أجمل من ضحكتك، الكلمتين دول مش هيكلفوكي حاجة، لكن تأثيرهم كبير جدًا"، مشيرة إلى أن كلمات بسيطة من الزوجة كفيلة بإسعاد الزوج.
وتابعت عز قائلة: "ليه نجيب حلاوة المولد والملبن قاعد جنبك جوزك حبيبك؟ ولو فكرنا في مكوناتها هنلاقيها عسل وسكر زي جوزك بالظبط".