طارق يحيى: الزمالك يمرّ بأخطر فتراته ويحتاج وقفة حقيقية
قال الكابتن طارق يحيى، نجم الزمالك السابق، إن النادي يمر حاليًا بأصعب مرحلة في تاريخه، مشددًا على أن التغييرات الكثيرة والمفاجئة داخل الفريق تثير القلق.
وأوضح خلال استضافته عبر برنامج "الستات" المذاع عبر قناة النهار، أن الزمالك يعيش حالة من عدم الاستقرار بسبب تغيرات طالت كل المستويات، من الجهاز الفني والإداري وحتى اللاعبين.
وأشار يحيى إلى أن ما يحدث داخل النادي الأبيض حاليًا يمثل "تغيير جذري" في السياسات، وسط حالة من التعتيم الإعلامي المتعمّد، وقال: "اللي داخل النادي بيشوف حاجة، واللي برّه بيسمع حاجة تانية خالص، لكن في النهاية إحنا قدام واقع بيقول إن كل الأسرار بتطلع، وده خطر كبير على الفريق". وأضاف: "اللي حصل مش بسيط.. إحنا بنتكلم عن منظومة كاملة بتتغير في وقت حساس".
وانتقد طارق يحيى توقيت التغييرات، مؤكدًا أنها جاءت متأخرة جدًا، حيث تم تغيير الجهاز قبل انطلاق الدوري بأقل من أسبوعين، وقال: "كان لازم نبدأ بدري، لأن التعارف والانسجام بياخد وقت، وإحنا أخدنا قرارات متأخرة وكنا مطالبين بنتائج فورية، وده ضغط كبير على أي منظومة فنية".
ورغم كل التحديات، عبّر يحيى عن أمله في أن تمر هذه المرحلة سريعًا، مشيدًا ببداية الفريق في الدوري، وأضاف: "البداية مبشرة، والمجموعة الجديدة محتاجة وقت علشان تندمج، بس الزمالك يستاهل إننا نقف معاه بجد، ونشتغل على إعادة الاستقرار قبل فوات الأوان".