مفيدة شيحة تنتقد إجبار الزوجات على الإنفاق: "الشراكة مش إجبار"
أثارت الإعلامية مفيدة شيحة الجدل مجددًا بحديثها الصريح عن الضغوط التي تتعرض لها بعض الزوجات العاملات، خاصة في ظل مطالبة أزواجهن لهن بالمشاركة الكبيرة في مصاريف البيت، رغم مسؤولياتهن المتعددة داخل وخارج المنزل.
وسلطت شيحة خلال برنامجها "الستات" المذاع عبر قناة النهار، الضوء على واقع تعيشه كثير من السيدات، قائلة: "في ستات بتشتغل الصبح، وتطبخ بعد الظهر، وتذاكر بالليل، وفي الآخر مطلوب منها تدفع وتتحمل كأنها الراجل والست في نفس الوقت، وده مش عدل."
وأكدت أنها لا ترفض مبدأ المساعدة أو الشراكة، لكنها تعترض على أن يتحول الأمر إلى فرض وإجبار، موضحة: "أنا مش ضد إن الزوجة تساعد، بس ضد إن ده يبقى واجب مفروض عليها بالعافية، لأن الشراكة مش إجبار."
واختتمت مفيدة رسالتها بتوجيه نداء للرجال: "لو مراتك بتشتغل، ساعدها، وخف عنها.. مش كل حاجة لازم تقع على كتفها هي لوحدها."