سميرة أحمد: البلطجة وإهانة المرأة شوهوا صورة الدراما الجديدة (حوار)
تحدثت الفنانة القديرة سميرة أحمد عن رأيها في واقع الدراما المصرية الحالي، والفروق بين مسلسلات اليوم وأعمال الزمن الجميل.
وفي حوار خاص مع "وشوشة"، كما كشفت عن أسباب ابتعادها عن الشاشة، وموقفها من الفنانين العائدين بعد الاعتزال.
ما رأيكِ في مستوى المسلسلات التي تعرض في الوقت الحالي؟
"فيه مسلسلات كويسة، بس للأسف فيه أعمال تانية بعيدة تمامًا عن دراما زمان، بقت مليانة مخدرات وبلطجة وإهانة للمرأة ودي حاجات لا تليق بينا ومش شبه مجتمعنا"
هل ترين أن صورة المرأة في الدراما اليوم قد تغيرت؟ أم أنها ما زالت تحتفظ بمكانتها الحقيقية كما كانت في السابق
:"أكيد طبعا الصورة اتغيرت عن زمان إلى حد ما، لكن برضه في أعمال بتقدم المرأة بشكل كويس رغم كده، كنت أتمنى ما أشوفش مشاهد فيها إهانة للست، لأنها أم وأخت وزوجة وبنت، ومكانتها لازم تكون محفوظة دايمًا".
هل ترفضين فعلاً المشاركة في أعمال لا تقتنعين بها؟
:“عمري ما اشتغلت في عمل مش مقتنعة بيه، حتى لو كان مغري، دايمًا كنت باختار على أساس الشخصية هل هي كويسة وتليق بيا ولا لأ".
هل ابتعدتِ عن الشاشة طوال هذه السنوات؟ وهل كان السبب عدم مناسبة العروض المقدّمة، أم أن الابتعاد كان قرارًا شخصيًا منكِ؟
“أنا ما بعدتش عن الشاشة تمامًا، لكن كنت مستنية عمل يضيف لي حاجة حقيقية، سواء في المحتوى أو في الشخصية باختار على مهل، ولما ألاقي عمل كويس يستحق، هرجع بيه".
إيه رأيك في فنانين بيرجعوا بعد الاعتزال ويقدموا حاجات مش على قد تاريخهم؟
“أنا ضد إن الفنان يعلن اعتزاله وبعدين يرجع تاني، لأن الفن ده بيجري في دمنا واللي بيرجعوا يا ريت يحيوا فينا روح الزمن الجميل اللي كنا بنحبه ونتعلق بيه".
برأيك، هل طرأ تغيير على طبيعة الفن نفسه، أم أن الجمهور هو من أصبح يطلب نوعًا مختلفًا من الأعمال؟
:"أكيد الفن اتغير لكن كمان الجمهور اتطور ولازم نواكب التغيير ونقدم الجديد اللي يليق بينا، وفي نفس الوقت يحافظ على قيمتنا وهويتنا".