شيرين عبد الوهاب: كل الناس اللي حواليا خونة بلا استثناء!‎

فتحت النجمة شيرين عبد الوهاب قلبها أمام جمهورها لتكشف عن جانب خفي من معاناتها مع الخذلان، مؤكدة أن أكثر من أحبتهم وثقت بهم كانوا السبب الأكبر في ألمها، مشيرة إلى أن الخيانة لم تأتِ من الغرباء فقط، بل من أقرب الناس إلى قلبها.

وقالت شيرين، خلال حديثها في بودكاست "بيج تايم بودكاست" المذاع على قناة mbcمصر: "ممكن أقول إن اختياراتي في حياتي كانت غلط، بس الكلام ده لو أنا عندي أربعين شخص حواليا، منهم خمسة وعشرين مش كويسين، إنما بالنسبالي كلهم خونة حتى أقرب الناس وأبعدهم، كلهم خانوني، ومفيش ولا واحد فضل على العِشرة أو طلع قد الكلام اللي قاله لي."
 

وأضافت: "الناس اللي كنت فاكراهم سندي طلعوا أكتر ناس وقعوني.. مفيش أصل، ولا فيه عشرة، وكل اللي بييجي ويمشي من حياتي بيبقوا مستنيين اللحظة اللي يبعدوا فيها، ولما بتجي اللحظة دي بيبقوا مصدقين إنهم مشيوا، ومحدش رجع سأل فيا."

وتابعت شيرين بأسى واضح: "أنا طول الوقت كنت بستنى من أي حد حواليا إنه يبيض وشي، يقف في ضهري، يفضل جنبي، لكن ملقتش، كل حد كنت شايفاه ملاك طلع العكس، وكل اللي كنت بحكي عنهم حلو، طلعوا مش كده خالص.. طلعوا ناس تانية."