فهمي والسقا: "أحمد وأحمد" فيلم عن صداقة حقيقية ظهرت على الشاشة بلا تمثيل!
قال الفنان أحمد فهمي إن أجواء فيلم "أحمد وأحمد" كانت مليئة بالمحبة والصداقة، موضحًا أن معظم المشاركين في الفيلم هم أصدقاؤه المقربون.
وأضاف أحمد فهمي، خلال حديثه في برنامج "الحكاية" المذاع على قناة mbcمصر: "ياسر هويدي قالي إن أحلى حاجة في الفيلم مش بس الإنتاج أو الشغل، لكن إن العلاقة اللي بيني وبين أحمد السقا باينة حقيقية وكأنك بتتفرج علينا في الحقيقة مش بتمثيل".
من جانبه، قال النجم أحمد السقا: "أنا بشكر جدًا كل ضيوف الشرف اللي شاركونا في الفيلم، لأن وجودهم معانا ماكانش مجرد شغل، لكن محبة، الناس دي جات علشان بتحب أحمد فهمي وبتحبني، زي الفنان طارق لطفي، وعلي صبحي، والأستاذة غادة عبد الرازق، وكلهم جم بدون أي التزام جم بمحبة حقيقية".
كما أكد أحمد فهمي على دور المخرج أحمد نادر جلال، قائلًا: "هو مخرج جامد جدًا، وهو أول واحد أخرجلي حاجة أنا كتبتها، وله فضل كبير عليا، وكمان كمخرج بيعرف يضحكنا بالكاميرا، وده كان باين في الكواليس".