أحمد فهمي: السقا هو السبب إني اكون ممثل مشهور!
أعرب الفنان أحمد فهمي عن سعادته الكبيرة بنجاح فيلم "أحمد وأحمد"، مؤكدًا أن هذا النجاح يحمل بالنسبة له طابعًا خاصًا ومختلفًا عن شعور زميله الفنان أحمد السقا.
وقال احمد فهمي، خلال حديثه في برنامج "الحكاية" المذاع على قناة mbcمصر: "نجاح الفيلم ده بالنسبالي حاجة كبيرة، وردود الأفعال والإيرادات في أول 3 أيام كانت جميلة جدًا، لكن أنا عندي نوع تاني من النجاح، وهو إن الرول موديل بتاعي، أحمد السقا، قدرت أشاركه النجاح ده في وقت من حياتي، وده في حد ذاته مكسب كبير بالنسبة لي".
وأضاف: "أحمد السقا هو السبب الرئيسي بعد ربنا في إن اسمي يبقى معروف ومشهور، هو أستاذي وأخويا الكبير، والفيلم ده حققت فيه إنجاز شخصي، وهو إني اشتغلت معاه ونجحنا سوا".
وتابع احمد فهمي مشيدًا بالسقا قائلًا: "السقا بيعمل مشاهد الأكشن من قلبه، وبيتعب وبيتعرّض لإصابات وهو بيمثل، حتى في مشاهد ساعات بتكون مش مستاهلة، لكنه دايمًا بيقدّم كل حاجة بإخلاص وحب".
يُذكر أن فيلم "أحمد وأحمد" بطولة كلا من احمد السقا، احمد فهمي، غادة عبد الرازق، جيهان الشماشرجي، وحاتم صلاح، من إخراج أحمد نادر جلال، وتأليف أحمد درويش .