رضوى الشربيني توجه رسالة مؤثرة لـ شيرين عبد الوهاب: "إحنا زعلانين منك.. وزعلانين عليكي"

وجهت الإعلامية رضوى الشربيني رسالة مليئة بالمشاعر والدعم للفنانة شيرين عبد الوهاب، قائلة: “الناس زعلانين منك أوي.. وزعلانين عليكي أوي”.

وأضافت الشربيني  خلال برنامجها "هي وبس" المذاع عبر قناة dmc: "شيرين.. إنتي اللي قولتي في أغنيتك" أنا كل حاجة وعكسها، وإحنا صدقنا ده، صدقنا إنك قوية حتى في ضعفك، وإنك قادرة ترجعي من أي حاجة، أغانيكي مش بس صوت، دي كانت طبطبة، وكانت سند لبنات كتير بيمروا بمواقف صعبة، وإحنا زعلانين علشان اختيارات غلط كان ممكن تهد اللي بنيتيه، بس لسه عندك الفرصة ترجعي أقوى من الأول".

وأضافت: "أرجوكي متسمعيش للناس اللي بتنتقدك بدون حب.. إنتي شيرين عبد الوهاب.. اللي كانت بتطلع الموضة، واللي حب الناس ليها مش مشروط، بيحبوكي لله في الله، سواء عملتي حلو أو غلط".

واختتمت رضوى كلامها برسالة صادقة: "كفاية كده.. لو الناس اللي حوالينا بقت بتضرنا، يبقى لازم نبدأ نحب نفسنا من جديد، انتي نص أغانيكي عن حب النفس، افتكري ده، وابتدي من الأول، الناس بتحبك ومستنياكي ترجعي".