طارق الشيخ: أحمد عامر كان في حاله.. وشغلانتنا مش مضمونة!‎

طارق الشيخ
طارق الشيخ

نعى المطرب الشعبي طارق الشيخ زميله الراحل أحمد عامر، مؤكدًا أنه كان من الأشخاص الهادئين والمحبين للخير، مشيرًا إلى أنه التقى به مؤخرًا في الرياض، قبل أيام قليلة من وفاته.

وقال طارق الشيخ، خلال مداخلة هاتفية في برنامج “تفاصيل” على قناة صدى البلد:

“كنت في نفس مكان أحمد عامر أول أمس، لأنه كان في الرياض، وسافرت بعده مباشرة، وكنت اتطمنت عليه”.

وأضاف: “أحمد، الله يرحمه، كان إنسان هادئ وطيب، ومالوش في المشاكل، دايمًا كان بيفكر في أولاده، وكان دايمًا يقول لي: يا كدخ، الشغل اللي إحنا فيه مش مضمون، ولازم نأمّن مستقبل العيال”.

 

وأشار إلى أن الراحل لم تكن له أي خلافات مع أحد، قائلًا:

“مكانش بينه وبين أي حد حاجة وحشة، لا مسلم ولا مسيحي، كان بيحب الناس كلها، ومحبوب من الكل”.

 

وتحدث طارق الشيخ عن طبيعة العمل في الوسط الفني، قائلاً:

“شغلتنا مش مضمونة، لأننا بنشتغل حسب مود الناس. لو الناس فرحانة بيبقى في حفلات، ولو ظروفهم صعبة محدش بيشتغل، فإحنا على حسبهم”.

 

واختتم حديثه بتأثر واضح:

“أحمد عامر كان بيحبني من زمان، وكان بيغنيلي قبل ما يغني لنفسه، وفي شغلانتنا، لما حد بيكون في حاله، دايمًا بتفضل سيرته طيبة”

تم نسخ الرابط