رامي جمال يكشف كواليس قرار غيّر حياته: “تجاهل زميل وصدمة في الاستوديو

تصدر الفنان رامي جمال تريند مواقع التواصل الاجتماعي، بعد طرح أغنيته الجديدة “قبلت التحدي” بالتعاون مع الفنان حمزة نمرة، في عمل غنائي لافت لاقى إشادة واسعة من الجمهور والنقاد، لما يحمله من رسالة إنسانية مؤثرة وإحساس صادق لامس القلوب.

وكشف رامي جمال، خلال لقاء تلفزيوني سابق، عن تفاصيل مؤثرة من حياته الشخصية والمهنية، خاصة عقب تفكيره الجاد في اعتزال الغناء، موضحًا أن تلك التجربة أثّرت عليه بشكل عميق، إلا أن الدعم الذي تلقّاه بعد إعلانه عن قراره أعاد إليه الأمل.

وقال رامي:

“آخر حد قابلته من زمايلي في المهنة قالي: (رامي، اتصرف… إنت بقيت حد بيغني، وشكلك مستقبلك، بس لو معرفتش تسيطر على القصة دي، شوف شغلانة تانية).

وأضاف: “رغم إني مفترضتش سوء نية، لكن كمية الطاقة السلبية أثّرت فيّا، وفضلت أفكر في الاعتزال بجد”.

واستطرد قائلاً:

“حصللي موقف تاني في الاستوديو، كنت مخلص شغلي وماشي، قابلت زميل بيخش بعدي، مدّ إيده يسلم عليّ، وأنا مدّيت إيدي… فجأة عمل نفسه بيجيب حاجة من الأرض وقاللي: (مبسوط إني شوفتك)، ومن عينه فهمت إنه كان بيتهرّب.”

وتابع:

“في اليوم ده، روحت لصاحبي كنا بنلعب بلايستيشن، وقلت لهم: ألعبوا إنتوا… أنا مسكت الموبايل وكتبت البوست اللي قلت فيه إني مش هكمل في المهنة دي، ونزلته الساعة 10 بالليل. ونمت.”

وأضاف: “مراتي صحّتني الساعة 3 الفجر، قالتلي: الناس كلها بتكلمني وبتدور عليك، لقيت دعم وحب مش طبيعي من مصر والوطن العربي كله”.

وأشار رامي إلى الأثر الإيجابي الكبير الذي تركته تلك اللحظة، قائلاً:

“لقيت رسائل شكر من ناس كتير، واحدة بعتتلي قالتلي: شكراً إنك اتكلمت عن المرض، وإنك خلت الناس تتقبل اللي عندهم بهاق بعد ما حكيت. لقيت كمان مسلسلين اتعملوا بيناقشوا الموضوع… أنا مبسوط، لأن دا ابتلاء، وربنا اختارلي ابتلاء سهل.”

وفي ختام حديثه، وجّه رامي الشكر للفنان أمير كرارة، قائلاً:

“أمير كرارة كلّمني وقاللي: في دكتور ممتاز عنده حقنة جديدة للبهاق بتتاخد أسبوعيًا لمدة 6 شهور. لكني رفضت، لأني مبقتش شايفه عيب أو مشكلة… ومش مضايقني، الحمد لله.”