حسام حبيب: حياتي تصلح لفيلم اسمه "حكايتي مع الزمان"!
تحدث الفنان حسام حبيب عن فكرة تقديمه لفيلم سينمائي، مشيرًا إلى أن حياته الشخصية تصلح لأن تكون فيلمًا بحد ذاتها، وقال مازحًا: "هو فيه فيلم أكتر من اللي أنا عيشته؟"
وأضاف، خلال حواره مع برنامج Arab wood: "لو عملت فيلم فعلاً، هسميه (حكايتي مع الزمان)"، في إشارة إلى مسيرة حياته المليئة بالتقلبات والقصص الخاصة التي عاشها خلال السنوات الماضية.
وعن ما تردد حول ارتباط اسمه بجزء ثانٍ من فيلم "السلم والتعبان"، أوضح قائلا: "السلم والتعبان لسه الموضوع مش أكيد، لكن طارق العريان صاحبي جدًا، وسمع عندي أغاني وقال إن ممكن نستخدمها في المشروع، بس مفيش حاجة مؤكدة لحد دلوقتي."
وحول مشاركته كممثل في العمل، نفى ذلك قائلًا: "أنا مش همثل في الفيلم، ولا ليا علاقة بيه كممثل، الناس حواليا بيقولولي مثل! قال يعني هعمل كوميدي!"
وأعرب حسام حبيب عن إعجابه الشديد بأبطال الفيلم، قائلاً: "عمرو يوسف جميل وبحبه جدًا، وكمان أسماء جلال جامدة أوي، وهما الاتنين مع بعض بيعملوا دويتو تمثيلي حلو جدًا."