يوسف وائل نور: كنت بهرب علشان أثبت نفسي بعيد عن أهلي
كشف الفنان الشاب يوسف وائل نور أن شغفه بالتمثيل لم يكن واضحًا له في البداية، بل اكتشفه بعد وفاة والده الفنان الراحل وائل نور، مؤكدًا أنه كان دائمًا يحاول الابتعاد عن المجال الفني لإثبات ذاته في طريق مختلف.
وقال يوسف، خلال حديثه في برنامج "الستات" المذاع على قناة النهار: "بابا مكنش يعرف إني عايز أمثل خالص، أنا اكتشفت ده بعد ما توفى، كنت دايمًا بهرب من الحتة دي علشان أعمل حاجة بعيدة عن اللي أهلي بيعملوها، وكنت طول الوقت في صراع داخلي، حتى في المدرسة كانوا يقولولي هتاخد دور البطولة، لكن أنا كنت عايز أستخبى لحد ما أظهر نفسي".
وأضاف: "في الآخر اكتشفت إن التمثيل هو الحاجة اللي بحبها، واللي بعملها وأنا مبسوط، وطلعت طول عمري بعملها من غير ما أخد بالي، وأنا صغير كنت بلعب شخصيات وألعاب ليها قصص، وده كان تمرين بدون ما أعرف".
وأشار إلى أنه خاض العديد من ورش التمثيل وسعى لتطوير نفسه بشكل مستمر، واصفًا دخوله المجال الفني بأنه جاء بالصدفة، قائلًا: "أول حاجة عملتها كانت مسلسل (أبو عمر المصري)، وقبلها كنت شاركت في فيلم (حلم العمر) وأنا صغير، وبعد دوري في (أبو عمر المصري) بدأت الناس تكلمني، وبدأت أشتغل دور ورا دور".