يوسف وائل نور: أنا طالع من بيت فني.. وتوارثت حب الناس
قال الفنان الشاب يوسف وائل نور إنه يشعر بالفخر لكونه ينتمي إلى عائلة فنية، مشيرًا إلى أن من أهم المكاسب التي حصل عليها في بداية مشواره الفني هي محبة الجمهور لوالده الفنان الراحل وائل نور ووالدته، وهو ما وصفه بـ"النعمة الكبيرة".
وأوضح يوسف وائل نور، خلال حديثه في برنامج "الستات" المذاع على قناة النهار: "أنا طالع من بيت معجون فن، وأكتر حاجة كسبتها إن الناس اللي بتحب بابا وماما حبوني، ودي حاجة حلوة أوي، لكن في نفس الوقت كان في تحدي كبير، لأن الناس بتحب بابا وعايزين يشوفوا منه نسخة تانية، وده بيكون صعب لأني ليّا شخصيتي وبحاول أفرضها".
وأضاف: "الحمد لله، أنا محظوظ إن أبويا وأمي محبوبين، وده خلاني أبدأ من مكان فيه دعم معنوي وحب من الناس، وبيوصلني كلام حلو عني دايمًا".
وتحدث يوسف عن لحظة فقدانه لوالده قائلاً: "لما بابا توفى من 9 سنين كنت لسه في أولى جامعة في لبنان، وكانت مفاجأة كبيرة جدًا، لأنه مكانش تعبان ولا حد متوقع ده".