ملك أحمد زاهر توجه رسالة للجمهور بسبب مرضها
وجهت الفنانة الشابة ملك أحمد زاهر رسالة طويلة لمن يعتقدون أنها سعيدة في حياتها طوال الأيام وذلك عبر صفحتها الرسمية على موقع تبادل الصور والفيديوهات "إنستجرام"، وأفصحت أنها مريضة وتمر بحالة سيئة منذ ثلاثة أيام وتطلب الدعاء.
وشاركت ملك صورة يبدو عليها أنها في المستشفى عبر خاصية “استوري” على موقع تبادل الصور والفيديوهات “إنستجرام” قائلة: “طيب أنا عمري ما كنت بنزل غير الحاجات اللذيذة أو الهزار أو أي حاجة إجابية من الآخر ولما كنت بحب أنزل حاجة سلبية كنت باخدها بهزار وبنزلها "close friends” وبهزر بيني وبين صحابي بس بجد حاسة إن الفترة الأخيرة بيجيلي كومنتس كلها مانتي عايشة ومبسوطة وإحنا مش عايشين وإيه كل اللي أنتو فيه وحاسة إن في الناس بصة على أتفه الحاجات اللي ممكن تكون عندي، بتبسطني زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة إيفنت معين".
وتابعت: “حبيت بس أقولكم إن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة وفي حوالي نص ساعة قبلها كنت زي الفل ومن ساعتها مش عارفة أنزل أو حد يشوفني باللي أنا فيه دة، ونفسيتي وحشة أوي، أنا بحكي الكلام دة عشان تعرفوا بس إن حياتي فيها الحلو والوحش والله زي أي حد بس أنا بحب دايما أشير الحلو بس وغالبا دة غلط فا قررت أشارككم كمان الوحش ومع إن اللي بيحصلي دلوقتي أنا بحمد ربنا عليه وعارفة إنه بإذن الله ها يكون حاجة بسيطة وإن شاء الله هاخف وكله هيكون تمام بس هو مخلي نفسيتي وحشة أوي حقيقي كل اللي طالباه إنكم متحكموش على حد من "السوشيال ميديا” أو من ظهوره في أي حاجة لأنها بتوري بس يمكن 20% من حياته وادعولي أخف بسرعة شكرا".
وأنهت الرسالة قائلة: "والهدف من الستوري دي مش إن أي حد يقلق لأن الحمد الله أنا كويسة وإن شاء الله اللي عندي دة لي حل وأنا تمام مافيش حاجة مقلقة، أنا بس حسيت إني محتاجة أشارك الوحش زي ما بشارك الحلو مش أكتر".
آخر أعمال الفنانة ملك أحمد زاهر
يذكر أن آخر أعمال الفنانة ملك أحمد زاهر كان مسلسل “سيد الناس” الذي تم عرضه في رمضان الماضي 2025، ويشارك في بطولته عمرو سعد وإلهام شاهين وريم مصطفى ومنة فضالي وأحمد فهيم وأحمد زاهر وأحمد رزق، ومن إخراج محمد سامي.