إياد نصار عن "المشروع X": ادخلوا الفيلم مع أولادكم وأنتم مطمنين
أعرب الفنان إياد نصار عن دهشته وحماسه الشديد عند عرض فيلم "المشروع إكس" عليه، خاصة بعد اطلاعه على النص ومعرفته بأسماء النجوم المشاركين فيه.
وقال إياد نصار، خلال حواره مع ETبالعربي: "أنا بالنسبالي لما اتعرض عليا فيلم المشروع إكس وشوفت النجوم اللي فيه وقريت النص، كان سؤالي الأول لبيتر ميمي: هو إحنا هنعمل ده فعلاً؟!، فهو قال لي آه، فبصيت على ضخامة العمل والأكشن اللي فيه، لأنه قرار إنتاجي أكتر من فني".
وأضاف أن الفيلم يمثل تحديًا حقيقيًا على مستوى الصناعة، خاصة أنه يأتي في إطار توجه إنتاجي واضح لتقديم مشروع أكشن قادر على المنافسة، ولا يقل في مستواه عن أي عمل سابق.
وعن ثقته بجودة الفيلم، كشف إياد نصار أنه اصطحب عائلته معه في العرض الخاص، قائلاً: “أنا مطمّن إن الفيلم قوي لدرجة إني أقدر آخد عيلتي معايا في أول عرض يتفرجوا عليه، فيه بعض الأعمال ما تنفعش لأولادي ولا لأعمارهم، لكن أنا متأكد إن المشروع إكس مناسب لأولادي ولعيلتي”.
واختتم إياد نصار حديثه برسالة للجمهور: "أنا بقول للناس: ادخلوا الفيلم مع أولادكم وإنتوا مطمّنين".