كريم عبدالعزيز: حبيت هنا الزاهد وياسمين صبري حب غير طبيعي!
أعرب الفنان كريم عبد العزيز عن رفضه لفكرة تصنيف الفنانين وفقًا لمبدأ "رقم واحد" و"رقم اتنين"، مؤكدًا أن هذه التصنيفات غير دقيقة ولا تعكس حقيقة الجهد المبذول.
وقال كريم خلال حواره مع ETبالعربي: "أنا مبحبش فكرة رقم واحد ورقم اتنين، أحيانًا ده يبقى واحد وأحيانًا ده، ويارب كلنا ننجح، وكل الأفلام اللي اتصرف عليها فلوس تنجح، واللي المخرجين تعبوا فيها، ويارب نطلع كلنا مرضيين إن شاء الله".
وفي سياق حديثه عن تعاونه الفني الجديد، كشف كريم عن سعادته بالعمل لأول مرة مع الفنانة هنا الزاهد، قائلاً: "أنا أول مرة أشتغل مع هنا، وحبيتها حب غير طبيعي. هي ممثلة ذكية وعندها حضور وملتزمة، ونجمة كبيرة وجمهورها كبير جدًا، وأهم حاجة حصلت وعجبت الناس إن حصل بينا كيميا، حتى على المسرح، وإن شاء الله نعمل فيلم قريب سوا".
كما أشاد بتجربته الفنية مع الفنانة ياسمين صبري في فيلم "المشروع إكس"، مشيرًا إلى أنها المرة الأولى التي يجتمعان فيها فنيًا، وقال: "حبيتها حب غير طبيعي في الشغل، وفيه كيميا بينا حلوة جدًا، مش عاوز أحرق الفيلم، بس استمتعت استمتاع غير طبيعي سواء على المستوى الفني أو الإنساني، وهي تستاهل كل خير".