كريم عبدالعزيز: عز والسقا وحلمي إخواتي.. والمقارنات في صالحنا والمنافسة شريفة
أكد الفنان كريم عبد العزيز أن علاقته بنجوم الصف الأول في السينما المصرية قائمة على الأخوة والمحبة، وليست مجرد زمالة، مشيرًا إلى أن المقارنات بينه وبين النجوم الآخرين، مثل أحمد عز وأحمد السقا وأحمد حلمي، تصب في مصلحة الجميع وتعد حافزًا لتقديم الأفضل.
وقال كريم عبد العزيز، خلال حواره مع برنامج "سينماتك" المذاع على قناة SBC: "أحمد عز أخويا مش صاحبي، وأحمد السقا أخويا مش صاحبي، وأحمد حلمي أخويا ومش بس صاحبي، إحنا بينا عشرة واحترام كبير، والمقارنات اللي بتحصل بتخدمنا كلنا لأن المنافسة شريفة".
وأضاف: "لما أحمد عز يعمل فيلم حلو، أنا بغير، وبشتغل علشان أعمل فيلم حلو زيه أو أحسن مش علشان أتمنى له حاجة وحشة، لا خالص، زي ماتشات الكورة، هو رقصني، فأنا عايز أرقصه من غير ما نعور بعض".
وتابع كريم عبد العزيز قائلاً: "طول الوقت المنافسة والمقارنة دي بتحركنا، وده الطبيعي في أي صناعة ناجحة، الصناعة عمرها ما كانت فردية، وكلنا بنكمل بعض، والمنافسة الشريفة بتصب في مصلحة الفنان والفيلم، وفي النهاية الجمهور هو الكسبان".