مشيرة إسماعيل: مسمعتش عن آيه سماحة قبل كدة.. واعتذارها لا يعنيني!
أبدت الفنانة القديرة مشيرة إسماعيل اندهاشها من تصريحات الفنانة الشابة آية سماحة، مؤكدة أنها لا تعرفها من قبل ولم تسمع باسمها إلا بعد تصاعد الأزمة الأخيرة عبر مواقع التواصل الاجتماعي.
وقالت مشيرة إسماعيل، خلال مداخلة هاتفية في برنامج "الستات" المذاع على قناة النهار: "بصراحة أنا معرفش مين آية سماحة دي، وأول مرة أسمع إن في ممثلة بالاسم ده، أنا ماليش دعوة إذا كانت موجودة على الساحة أو لا، لكن اتفاجئت إن في ناس بتبعتلي بتقولي إنها بتهاجمني، ومش عارفة ليه، ولا إيه دخلها في حياتي أو في الموضوع من الأساس".
وأوضحت أن تدخل آية في الجدل حول أزمة "المستشفى البيطري داخل عقار سكني" لم يكن له أي مبرر من وجهة نظرها، قائلة: "أنا رأيي إن التصالح في موضوع الشقق السكنية بالشكل ده كارثة، وكنت بتكلم عن المبدأ، مش عن الحيوانات نفسها، أنا محبتش أهاجم حد، لكن عندنا طيور وحيوانات، وأنا كلامي كان واضح: مش منطقي يبقى في مستشفى حيوانات في عمارة سكنية".
وتابعت حديثها: "الاعتذار اللي قدمته آية سماحة مالوش لازمة بالنسبة لي، تخليه لنفسها، أنا مش عاوزاه، وبشكر الجمهور اللي وقف معايا ورد عليها، وكمان بشكر نقيبنا الدكتور أشرف زكي، الراجل اللي مش هيتكرر".