سهير جودة: صفعة ماكرون على يد زوجته تُشعل الإعلام العالمي‎

تحدثت الإعلامية سهير جودة عن الجدل الواسع الذي أثاره الفيديو المتداول للرئيس الفرنسي إيمانويل ماكرون، مشيرة إلى أن الواقعة شغلت وسائل الإعلام العالمية والسوشيال ميديا بشكل غير مسبوق.

وقالت سهير جودة خلال حديثها في برنامح "الستات" المذاع على قناة النهار: "من الحاجات اللي موجودة بقوة في كل وسائل الإعلام، ومش في السوشيال ميديا العربية فقط، ولكن في العالم كله، هو الكلام عن ماكرون والصفعة اللي اتقال إنه اتعرض لها، وهل كانت صفعة بجد ولا هزار".
 

وأضافت أن الصحافة العالمية اهتمت بالقضية بشكل كبير، وأن الخبر لم يعد محصورًا في مواقع التواصل، بل أصبح متصدرًا لنشرات الأخبار، وتناولته أشهر وكالات الأنباء بفيديوهات وتحليلات.

وتابعت: "الرئيس الفرنسي وحرمه كانوا رايحين فيتنام، ولما باب الطيارة اتفتح شفنا مشهد اتفسر بأكتر من طريقة. في فرنسا قالوا إن ده محصلش، والرئيس نفسه خرج وقال إن الفيديو تم ترجمته بشكل غير دقيق، وإننا محتاجين نهدا وإحنا بنتعامل مع الأمور دي".

وأشارت سهير جودة إلى أن تصريحات ماكرون ومحاولات التوضيح الرسمية لم توقف الجدل: "رغم إن ماكرون خرج وقال إنه كان بيهزر، وإن الفيديو ده كارثة، الناس ماوقفتش عند التفسير ده، ولا الكلام اللي اتقال من القصر، الناس وقفت عند اللقطة اللي شافوها، وكل واحد بدأ يترجمها بطريقته".