سهير جودة: الخلاف فن.. وأقرب الناس ليك هو اللي تتخانق معاه دون خسارة
أكدت الإعلامية سهير جودة أن أحد أهم مؤشرات العلاقات القوية والصحية هو القدرة على الخلاف، دون تجاوز أو خسارة الطرف الآخر.
وقالت سهير جودة خلال حديثها في برنامج "الستات" المذاع على قناة النهار: "أكتر شخص تعرف تتعامل معاه هو الشخص اللي ممكن تتخانق معاه، بمعنى إننا نعرف نختلف ونتخانق من غير ما نغلط في بعض أو نخسر بعض".
وأوضحت أن وجود "صيغة" أو مساحة آمنة للخلاف داخل العلاقات الإنسانية هو ما يميز الأشخاص الذين يمكن الوثوق فيهم والبقاء بقربهم، مضيفة: "لما يكون فيه صيغة للشخصية اللي انت بتختلف معاها ويوصل الاختلاف لدرجة الخناق، دي شخصية تقدر تبقى في دائرة حياتك القريبة وانت مطمئن، لأن الاختلاف والخلاف وارد طول الوقت ومفيش علاقات مبتحصلش فيها ده".
وتابعت سهير جودة حديثها: "أنا مؤمنة إن الخناق نفسه محتاج حرفة، ومحتاج فن. وكل تعاملاتنا مع نفسنا ومع الآخرين محتاجة فن، علشان نكسب، لأن الحياة معركة طول الوقت، وإحنا محتاجين نكسبها من غير ما نخسر اللي حوالينا".