ريهام سعيد عن أزمة الفراخ والبيض: الموضوع منيمناش في البيت!
أعربت الإعلامية ريهام سعيد عن قلقها الشديد من تصريحات بشأن احتمال انتشار فيروس يهدد الثروة الداجنة في مصر، مؤكدة أن هذا الموضوع يمثل أزمة حقيقية داخل البيوت المصرية، وليس مجرد خبر عابر.
وقالت ريهام سعيد خلال حديثها في برنامج "صبايا الخير" المذاع على قناة النهار: "فيه حاجة منيمتناش في البيت، ومش عارفة إذا كان الموضوع مهم عند الناس زي ما هو مهم عندنا، وهو موضوع الفراخ والبيض.. سمعت تصريح بيقول إن فيه فيروس وبائي هيصيب الثروة الداجنة، وده مش سهل".
وأضافت: "ممكن ناس تعتبره خبر عادي وتقول مش هنشتري فراخ، بس الحقيقة إن فيه ناس مش بتقدر تجيب لحمة، وفيه ناس مبتحبهاش، وفيه أطفال زي ابني عايشين على الاستربس والناجيتس".
وأبدت دهشتها من مصدر المعلومة، قائلة: "اللي قال التصريح ده قال هيبقى فيه فيروس، بس أنا مش عارفة هو عرف منين! بس إحنا كأهالي الموضوع بالنسبالنا كبير ومش بسيط".