زينة تكشف تفاصيل هجوم كلب على أبنائها: أبلغت النجدة وطالبت باعتذار رسمي داخل القسم

كشفت الفنانة زينة عن تفاصيل واقعة تعرض أبنائها لهجوم من كلب شرس، مؤكدة أنها تعاملت مع الموقف بالقانون وتوجهت على الفور إلى قسم الشرطة لتحرير بلاغ رسمي.

وقالت زينة، خلال مداخلة هاتفية في برنامج "الحكاية" المذاع على قناة mbc مصر: "أخدت بعضي ومشيت فورًا من المكان، واتصلت بالنجدة وقلت لهم أنا هعرف آخد حقي بالقانون، وأسفة إني جيت لغاية هنا، الزوج كان بيحاول يسكت مراته بس هي مبتسكتش ومش عاملة احترام لحد".

وأشادت الفنانة بسرعة استجابة الأجهزة الأمنية قائلة: "الحقيقة وزارة الداخلية متأخرتش، وبعتوا عربيات نجدة ورئيس مباحث، لأن موضوع الكلب ده بقى خطر جدًا بسبب الحوادث اللي بنسمع عنها، وأنا مش هستنى لما بعد الشر يحصل حاجة لأولادي، وإحنا في دولة قانون".

وأضافت زينة أنها قدمت بلاغًا رسميًا، وأخبرها الضابط أنه سيتوجه لاستدعاء الشاب صاحب الكلب وأسرته، وتابعت: "روحت القسم لقيت هناك تلاتة موجودين، وقالولي إحنا النواب محمد الجارحي وهشام الجارحي، فسألتهم ليه بتحطوا كلمة النائب قبل اسمكم؟ أنا مش محتاجة ده. وفعلاً اعتذروا لابني".

وأكدت زينة أنها طالبت باعتذار مباشر من الشاب المتسبب في الواقعة، قائلة: "طلبت إن الولد اللي شاط الكلب على ابني يعتذر، رد عليا وقاللي الولد تحت في العربية ومبنطلعش أولادنا الأقسام، رديت عليه وقلتله أنا مطلعة ابني معايا القسم، ودول هيبقوا رجالة ميطلعوا القسم عادي!".