مريم نعوم عن "لام شمسية": تحدينا أنفسنا.. والرقابة لم تتدخل لأول مرة!‎

كشفت الكاتبة والسيناريست مريم نعوم كواليس مسلسل "لام شمسية"، مؤكدة أن العمل مثّل تحديًا كبيرًا لصنّاعه، من حيث الغوص في أعماق القصة وتقديمها بأقصى درجة فنية ممكنة.

وقالت مريم نعوم، خلال حديثها في برنامج "سينماتك" المذاع على قناة SBC: "كان عندنا تحدي كبير في لام شمسية، كنا عايزين نوصل لأعمق حاجة فنيًا، ولما بلاقي الجمهور بدأ يقترح نهايات ويتفاعل مع الشخصيات والخطوط الدرامية، ده في حد ذاته مكسب كبير، لأنه معناه إن الناس تعمقت واتأثرت".
 

وأضافت: "أنا عمري ما اتحطيت في موقف إنّي أدافع عن الرقابة، ده جديد عليّ، لأن المعتاد إن الرقابة بتقول لنا نشيل أو نعدّل، لكن المرة دي الرقابة فعلاً ما اتدخلتش، وده كان مفاجأة حقيقية، ساعات الحياة بتفاجئنا بحاجات غير متوقعة".

وعن خطواتها القادمة، أوضحت مريم أنها لا تخشى الفشل، وقالت: "أحيانًا بسأل نفسي إيه الخطوة الجاية، لكن مش بخاف، لأني علّمت نفسي من زمان إني ماخافش من الفشل. محدش بيحب يفشل طبعًا، لكن لو خفت مش هعرف أشتغل".

واختتمت حديثها قائلة: "قررت إن أي عمل جاى هعمله بالطريقة والقدر اللي بحبه، زي ما عملت في لام شمسية، والنتيجة تيجي زي ما تيجي".