تامر حسني: فيلم "بحبك" حقق أعلى إيرادات في التاريخ!

أعرب النجم تامر حسني عن سعادته الكبيرة بتحقيق فيلمه "بحبك" أعلى إيرادات في تاريخ السينما العربية، مؤكدًا أن هذا الإنجاز جاء بعد مجهود كبير وتشكيك تعرض له خلال فترة عرض الفيلم.

وقال تامر حسني، خلال حواره مع برنامج Arab wood: "المستشار تركي آل الشيخ كان صرّح إن فيلم "بحبك" عامل أعلى إيرادات في تاريخ السينما العربية، وأنا فرحان جدًا بالكلام ده، خاصة إني اتهاجمت كتير أوي وقت عرض الفيلم، وكان في ناس بتشكك في الأرقام اللي كنت بنزلها".
 

وأضاف: "كنت دايمًا لما الإيرادات بتجيلي وأنشرها، ناس تقول ده أوفر وكدب، لكن دلوقتي أنا فخور جدًا، لأن بحبك مش بس نجح، ده حقق أعلى إيراد في تاريخنا".

وأكد تامر أن ما قاله المستشار تركي آل الشيخ لم يكن مجاملة، موضحًا: "الناشر وقتها كان بيتكلم عن السعودية بس، لكن الحقيقة إن النجاح كان في الوطن العربي كله، والمهم كمان إن الفيلم مش من إنتاج تركي آل الشيخ ولا ليه علاقة بيه، لكن الراجل قال كلمة حق".