سهير جودة تنتقد لعبة "لابوبو": دُمية مرعبة تغزو السوشيال ميديا!

علّقت الإعلامية سهير جودة على ظاهرة جديدة تشغل مواقع التواصل الاجتماعي، وهي انتشار عروسة تُدعى "لابوبو"، واصفة إياها بأنها "تريند غريب ومرعب" أثار حالة من الهوس والجدل بين المتابعين.

وقالت سهير جودة، خلال حديثها في برنامج "الستات" المذاع على قناة النهار: "فيه حاجة طالعة تريند عاملة هوس وجدل كبير جدًا وهي عروسة اسمها لابوبو، شكلها غريب ومرعب، وبقينا نشوفها متعلقة في شنط البنات، وفيديوهاتها منتشرة جدًا على السوشيال ميديا".
 

وأشارت إلى أن عددًا كبيرًا من المشاهير والمستخدمين يتفاعلون مع العروسة بألوان وتصميمات مختلفة، لكنها أعربت عن حيرتها قائلة: "بصراحة مش فاهمة عاجبهم فيها إيه!".

وأضافت أن سعر العروسة يتفاوت ما بين 650 و800 جنيه للنسخ المستنسخة، في حين تصل بعض النسخ الأصلية إلى 4500 جنيه، واصفة الأسعار بأنها "مرتفعة بالنسبة لمنتج شكله مرعب وغير مفهوم دخوله إلى حياتنا".

واختتمت سهير جودة حديثها بالتساؤل: "إزاي حاجة زي دي تتحول لتريند؟ وإيه اللي يخليها جزء من حياتنا اليومية؟".