أحمد موسى: العالم في حالة "عدم يقين".. ومصر مستهدفة
وجه الإعلامي أحمد موسى رسالة تحذيرية للمواطنين، داعياً إلى ضرورة التركيز والحذر في ظل مرحلة يمر بها العالم والمنطقة تتسم بعدم الاستقرار والغموض بشأن المستقبل القريب.
وقال أحمد موسى خلال حديثه في برنامج "على مسئوليتي" المذاع على قناة صدى البلد: "العالم كله في حالة عدم يقين من بكره، وإحنا كمان في المنطقة مش عارفين إيه اللي ممكن يحصل، علشان كده لازم نكون مركزين أوي خلال المرحلة دي، سواء الحالية أو اللي جاية".
وأكد أن حديثه ليس موجهاً لجهة بعينها، وإنما رسالة عامة للمواطنين، موضحاً: "الكلام موجه لجمهورنا العظيم في كل مكان، لأن في تغيرات بتحصل في المواقف، وممكن ناس كتير تتعرض لصدمة بسبب إجراءات خارجية، والحاجات دي ممكن يكون ليها تداعيات كبيرة أو حتى خطيرة".
وأشار إلى أن حالة الضبابية التي يعيشها العالم تجعل من الضروري تحمّل المسؤولية عن كل كلمة تُقال، مضيفاً: "محدش عنده سيناريو واضح للي ممكن يحصل بعد ساعة أو حتى السنة الجاية، وده بيخلينا كلنا مسؤولين عن اللي بنقوله، ولازم نبعد عن محاولات الإثارة أو الاستهداف اللي بتحصل".
واختتم موسى حديثه بالتأكيد أن مصر ما زالت هدفًا لمحاولات التشويه والتشكيك، قائلاً: "بلدنا كانت وما زالت وهتفضل مستهدفة من جهات ولجان مختلفة، وده بيحط علينا مسؤولية كبيرة في الحفاظ على وعي الناس واستقرار بلدنا".