سهير جودة ومفيدة شيحة تحدران من محاولات انتحال لسرقة أموال المواطنين.. تفاصيل

وجهت الإعلامية مفيدة شيحة تحذيراً شديد اللهجة للمواطنين، خاصة كبار السن وأهالي المحافظات، من عمليات نصب إلكترونية تستهدف حساباتهم البنكية من خلال رسائل احتيالية تُنسب زوراً إلى البريد المصري.

وقالت مفيدة شيحة خلال حديثها في برنامج "الستات" المذاع على قناة النهار: "تحذير شديد اللهجة لكل الناس، وبالذات أهالينا اللي في المحافظات وكبار السن واللي طلعوا على المعاش، فيه عصابة دلوقتي بتستهدف الناس دي برسالة بتجيلهم على الموبايل باسم البريد المصري، أغلب الناس بتحط فلوسها في البريد لأنه من أكتر الأماكن أماناً، فبيستغلوا ده ويبعتوا لينك يقولوا إنه لتحديث البيانات، وإحنا بندخل عليه بحسن نية ونجدد بياناتنا".
 

من جانبها، أضافت الإعلامية سهير جودة أن أحد المواطنين شارك قصته عبر مواقع التواصل الاجتماعي، كاشفاً عن تعرضه لعملية نصب محكمة، وقالت: "القصة اللي حكاها شخص على السوشيال ميديا مرعبة، اتبعتله رسالة مزيفة تطلب منه تحديث بياناته، وفعلاً دخل وكتب بياناته، قالوله لازم تدفع 10 جنيه قيمة التحديث، وبعدها اكتشف إن البنك بعتله رسالة إن حسابه اتسحب منه حوالي 8 آلاف جنيه".