سهير جودة ومفيدة شيحة تنتقدان واقعة حفل زفاف مسلم: تريند مؤسف!
علّقت الإعلاميتان مفيدة شيحة وسهير جودة على الجدل الذي أثارته واقعة شهدها حفل زفاف الفنان مسلم، بعد انتشار فيديوهات على مواقع التواصل الاجتماعي تسببت في خلاف علني بين العروس وبلوجر كانت من ضمن الحضور.
وقالت مفيدة شيحة خلال حديثها في برنامج "الستات" المذاع على قناة النهار: "في الفترة اللي فاتت اتعمل فرح لأحد المطربين، ومن ضمن الأسماء اللي حضرت الفرح كانت بلوجر راحت علشان تهنّيه، وصورت فيديو مع العريس بيقول فيه بما معناه: اعملي حسابك انتي اللي هتبقي الجاية، البلوجر نزلت الفيديو يوم الفرح، والعروسة شافته يوم الصباحية، وردّت بفيديو بتقول فيه: انتي بتخربي الدنيا، وبدأت الخناقات والفضائح".
ومن جانبها، وصفت الإعلامية سهير جودة ما حدث بأنه "تريند مؤسف جدًا"، مضيفة: "اللي حصل في الفرح بيورينا قد إيه بقينا في مستوى متدنٍ، وكل الأطراف مدانة. يمكن العريس كان بيهزر، لكن الهزار ليه مكانه، والأسوأ إن اتنين يطلعوا يتخانقوا قدام الناس، ودي قلة أخلاق واستغلال سيئ للسوشيال ميديا".
وردت مفيدة قائلة: "أنا عاوزة أقول للعروسة اتبسطي بجوازك، ومكنش لازم تردي، لأن الموضوع كان هينتهي من غير ما ياخد الحجم ده. وبصراحة، أنا شاكّة إنكم التلاتة عايزين تعملوا تريند".