عمرو أديب: نفسي أعرف إسرائيل عندها إيه مخليها دولة قوية بالشكل ده!
أعرب الإعلامي عمرو أديب عن استغرابه الشديد من التفاوت في التغطية الإعلامية والاهتمام الدولي بين ما يحدث في الأراضي الفلسطينية، خاصة في غزة، وبين حادث مقتل اثنين من الإسرائيليين في واشنطن قبل أيام.
وقال عمرو أديب، خلال حديثه في برنامج "الحكاية" المذاع على قناة mbcمصر: "إزاي الدنيا انقلبت ووقعت على رجل علشان الاتنين الإسرائيليين اللي ماتوا في واشنطن؟! وفي نفس الليلة كان فيه 100 شهيد في غزة! يعني هو ده إرهاب وده مش إرهاب؟! طب وكل الناس اللي بتموت في غزة ده مش إرهاب؟! ومفيش أي حد بيعبرنا ولا بيقول حاجة، ولا دول مين، ولا إزاي الناس دي بتتقتل وتتبهدل ومش قادرين ياكلوا ويشربوا!".
وتابع حديثه بلهجة غاضبة: "بجد أنا بسأل، هما أحسن مننا في إيه؟ إحنا أغنى منهم، وأكتر منهم، وأقوى منهم، إيه الحكاية؟! ده إحنا لما بنيجي نبدل، أثرى الثلاثة منهم بـ300 من عندنا، أنا عاوز أعرف إيه السبب؟ وإيه الشيء العظيم اللي بتقدمه إسرائيل للعالم؟! لا عندها استثمارات قوية، ولا جيش بيدافع عن العالم، أنا عاوز أفهم عندها إيه، وليه عندها كل الثقة دي؟".