ياسمين عز: الحلقة دي مش ليكي يا شيماء.. قومي ذاكري أو إغسلي المواعين!
علقت الإعلامية ياسمين عز على مناقشة قانون الإيجار القديم، لكن حديثها لم يخلُ من الطرافة، إذ وجهت رسالة مباشرة إلى المشاهدات بطريقة طريفة.
وقالت ياسمين عز ممازحة، خلال حديثها في برنامج "كلام الناس" المذاع على قناة mbcمصر: "اللي بقوله وبتكلم فيه الحلقة دي عن الإيجار القديم متخصكيش يا شيماء، والكلام اللي فيها مش ليكي ومش هتستفيدي منه في حاجة، لأنك لا مالكة ولا مستأجرة، يدوب معاكي فلوس تجيبي بيها كيس إندومي ومخبياه من أخوكي كمان!".
وأضافت بنبرة فكاهية: "فما تتفرجيش على الحلقة وتضيعي وقتك في كلام ميخصكيش، قومي ذاكري عشان الامتحانات قربت، وعلشان نسمع بعدها ونشم ريحة الكحك بسكر، الساعة بتاعة البرنامج ممكن تستفيدي منها لو قعدتي تذاكري، لأن حديثنا مش هيغنيكي، ولو مش عاوزة تذاكري، قومي صلي، أو اغسلي المواعين اللي في المطبخ، لأنك مبتساعديش أمك في حاجة بحجة المذاكرة."