دينا فؤاد: التمثيل هو حياتي.. ومعرفش أنجح في حاجة غيره!
أعربت الفنانة دينا فؤاد عن شغفها الكبير بالتمثيل، مؤكدة أنه يمثل الجزء الأهم في حياتها ولا ترى نفسها قادرة على النجاح في مجال آخر.
وقالت دينا فؤاد، خلال حديثها في برنامج "آخر النهار" المذاع على قناة النهار: "أنا بحب التمثيل أوي، ومش حاسة إن ممكن أنجح في حاجة غيره، ولما بقعد من غير شغل بحس إني بموت بالبطيء، بحس إن روحي بتروح، وباكل وأنام وأصحى من غير أي إحساس بالإنجاز، كأني بعيش من غير هدف".
وأضافت أنها لا تملك رفاهية الاختيار بين التمثيل وأي شيء آخر في حياتها، مشددة على أن عملها هو الأولوية القصوى دائمًا.
واختتمت دينا فؤاد حديثها قائلة: "أنا باكيدج كده على بعضه، واللي عايز يدخل حياتي لازم يتقبلني بشغلي، ويشجعني ويفرح بنجاحي، غير كده مش عايزة".