عماد زيادة: محمد سامي محتاج للتغيير

أشاد الفنان عماد زيادة بالمخرج محمد سامي، واصفًا إياه بأنه يمتلك قدرة خاصة على التقاط التفاصيل التي تلامس الشارع المصري وتحقق النجاح الجماهيري.

وقال عماد زيادة، خلال حديثه في بودكاست "السر" مع الإعلامي تامر امين: "محمد سامي بيحط إيده على حتت معينة موجودة في الشارع وبتنجح، وده باين في مسلسلي أش أش وسيد الناس اللي عملهم السنة اللي فاتت، وكان ليهم نسب مشاهدة عالية".
 

وعن الجدل الذي أثير حول مسلسل سيد الناس، أوضح أن بعض المشاهد احتوت على انفعالات زائدة، قائلاً: "يمكن الدوز كان زايد شوية، والناس كانت كلها بتزعق، وده اللي خلّى الجمهور يقول إن ده أوفر، لكن في النهاية دي رؤية المخرج، والممثل بيقدم أقصى ما عنده بناءً على التوجيه اللي بياخده".

وأكد عماد زيادة أن محمد سامي يُجيد رسم ملامح الشخصية، لكنه يترك للممثل مهمة إنجاح أدائه، موضحًا: "هو بيديك الشخصية، لكن حضورك كممثل هو اللي بيظهر على الشاشة، ومحمد شاطر جدًا في إنه يوصلك للشكل اللي يخليك تبدع".

وعن إعلانه التوقف مؤخرًا، قال عماد زيادة: "فيه حاجات لازم تتظبط، ويمكن الفترة الجاية محتاجة نوعية جديدة من المسلسلات، لازم يحصل تغيير في الشكل، والشارع نفسه بقى محتاج ده، ومحمد سامي بيشتغل على كل الأنواع وبيقدر يواكب التغيير".